“Atletiko” Madrid jamoasi yarim himoyachisi Gabi EChL chorak finalida “Barselona”dan 1:2 hisobida uchralgan mag'lubiyat borasida o'z fikrlarini aytib o'tdi. “Shubhasiz, Torres chetlatilguniga qadar biz “Barselona”dan yaxshiroq o'ynayotgan edik. Birinchi bo'limni yaxshi o'tkazdik. Endi barchasi javob o'yinida hal bo'ladi. Hakam o'yin taqdirini hal qildi, deyish noto'g'ri. Lekin u bizga kamroq sariq kartochka ko'rsatishi kerak edi. “Barselona” bir kishi ko'p bo'lib harakat qilgani uchun to'pni o'z nazoratida saqladi. Biz uzatmalar ustida ishlashimiz kerak”, – deydi Gabi. Eslatib o'tamiz, jamoalar o'rtasidagi javob o'yini 13 aprel kuni “Visente Kalderon” stadionida bo'lib o'tadi. 
— deya xabar beradi uff.uz nashri.