Bugun jamoamiz Chempionlar ligasida muhim o'yinini Tabrizda "Traktorsozi"ga qarshi o'tkazadi. Uchrashuv jamoamiz uchun juda muhim. Safarda ochko qo'lga kiritilgan taqdirda keyingi bosqichga chiqish sari imkoniyat saqlanib qoladi, g'alaba esa yaxshi imkon taqdim etadi. Kecha jamoamiz rasmiy mashg'ulotda ishtirok etdi. Futbolchilar maydonda muvaffaqiyat uchun bor kuchlarini tashlashga tayyor. "Yodgori Imom" stadionida soat 19:45da boshlanadigan bellashuvni yaponiyalik hakamlar guruhi boshqarib boradi. Yuday Yamamoto, Yagi Akane va Ochi Shinji bellashuvni boshqarsa, ummonlik Yoqub Said Abdulla Boqi to'rtinchi hakam vazifasini bajaradi. "Paxtakor" oq rangli liboslarda harakat qiladi. Mezbonlar qizil rangli liboslarni tanlashgan.
— deya xabar beradi uff.uz nashri.