Argentina terma jamoasi hujumchisi Lionel Messi Amerika Kubogi doirasidagi dastlabki bahsni o'tkazib yuborishi mumkin.
Xabar qilinishicha, «Barselona» hujumchisi soliq borasidagi uchta qonunbuzarlik uchun Ispaniya sudi oldida javob berishi lozim. Ammo sud ishni ko'rib chiqishni 31 maydan 7 iyunga ko'chirdi. Messi shu tariqa 6 iyun sanasida Chiliga qarshi kechadigan dastlabki bahsda ishtirok eta olmasligi kutilmoqda.
Eslatib o'tamiz, Messi 2007 yildan to 2009 yilga qadar o'tgan vaqt davomida 4.1 million evro soliq to'lamaganlikda ayblanmoqda. Ispaniya davlat advokaturasi Messi uchun 22.6 oy muddatlik qamoq jazosi va katta miqdordagi jarima talab qilyapti. Prokuratura esa o'z navbatida jinoyatda futbolchini emas, uning otasini ayblamoqda va 18 oylik qamoq bilan kifoyalanishni so'ragan.
— deya xabar beradi uff.uz nashri.