Osiyo Chempionlar ligasi guruh bosqichi, 4-tur doirasida "Paxtakor" klubi Eronda "Traktorsozi" jamoasi mehmoni bo'lib turibdi.
Ushbu sahifa orqali uchrashuv tafsilotlari bilan tanishib borishingiz mumkin.
OChL
4-tur
"Traktorsozi" - "Paxtakor" - 2:0
Gol: Sezar 60, Og'oiy 85
"Traktorsozi": Axboriy, Eronpurion, Xalilzoda, Kardoso, Ashuriy, Sohibiy, Rahmoniy, Avgusto, Xotamiy, Kioniy, Og'aiy
"Paxtakor": Ribkin, Oraxovats, Ismatullaev, Ahmedov, Karimov, Masharipov, Sergeev, Sohibov, Tojiev (c). Hoshimov, Kozak
1'. O'yin boshlandi. 3'. "Traktorsozi"dan dastlabki xavfli hujum. Baxtimizga bosh bilan zarba yuqoridan ketdi.
5'. Eronlik "traktorchilar" tashabbus borasida ustunroq.
9'. Nihoyat "Paxtakor" tomonidan yo'llangan zarbani ko'rdik. Ammo Sherzod Karimov uzoqdan bergan zarba nafaqat kuchsiz, balki etarlicha qiyshiq ham chiqdi.
13'. Azim Ahmedov ketma ket ikki marta va Sherzod Karimov bir marta qo'pollik bilan yiqitildi. Ammo hakam jim. Qiziq, juda qiziq. Angliya chempionati bo'lib ket-a, OChL!
17'. "Traktorsozi" tomonidan uyushtirilgan dastlabki daqiqalardagi bosim sal kamaydi.
21'. Igor Sergeevga nisbatan qo'pollik ishlatildi. Bu safar hakam jarima to'pi belgiladi, haytovur.
22'. Jarimadan uzatilgan to'pni raqib darvozaboni Axboriy egallab oldi.
27'. Kioniy deganlari boshi bilan darvoza tomon zarba berdi, ammo noaniq. Ribkin sal bo'lmasa darvozani tashlab chiqib ketay degadi, haytovur vaqtida ortiga qaytdi. Boz ustiga zarba ham yuqorilab ketdi.
29'. Masharipov chap qanotdan g'izillab oldinga o'tib ketmoqchi edi, "traktorchilar" yo'l qo'yishmadi. Hakam  maydondan chiqib ketgan to'pni "Paxtakor" foydasiga berib yuborgani esa eronliklar asabiylashib baqirishlariga sabab bo'ldi.
31'. Akbar Ismatullaev o'z uslubida Og'oiyni yiqitdi. Oliy liga bo'lgandaku, balki buning uchun sariq kartochka ko'rsatilmas edi. Ammo OChLda kim uni ayab o'tirardi? Ogohantirish!
35'. Masharipov baribir yaxshi futbolchi! U Davron Hoshimov bilan o'ng qanotda "devor" uslubida tashkil qilgan hujum natijasida Davron to'pni jarima maydonchasiga oshirib berdi... Ammo Sergeev bosh bilan zarba bera olmadi.
38'. "Traktorsozi"ning navbatdagi hujumini "Paxtakor" himoyachilari munosib qarshiladilar va bartaraf etdilar. Ana, Stanislav Andreev o'ynamasa ham himoyani ushlasa bo'lar ekan.
40'. Orahovatsning qo'polligidan so'ng belgilangan xavfli jarima zarbasini Said Og'oiy juda va juda noaniq tepdi. Biz qarshi emasmiz, tepaversin, erinmasin.
42'. Kamoliddin Tojiev tanasi bilan Sezarning yo'lini to'sishda xato qildi. Vaziyat qaltis edi, ammo Ribkin o'z vaqtida oldinga yugurib chiqdi va xavfni bartaraf etdi. Ribkin shunaqa o'ynab tursa, Lobanov "Paxtakor"ga kerak ham bo'lmasa kerak. Ha-ya, terma jamoamizga kerak-ku u!
45'. Birinchi bo'limga bir daqiqa vaqt qo'shib berildi. "Traktorsozi" esa hujum qilishda davom etmoqda.
45'. Birinchi bo'lim tugadi.
46'. Ikkinchi bo'lim boshlandi.
49'. "Traktorsoz" hujumchisi Avgusto Sezar deyarli birga bir vaziyatni barbod qildi. U yo'llagan zarba ancha qiyshiq ketdi. Davomli bo'lsin...
54'. Eronliklar qo'pollik qilayotganini ko'rgan Javohir Sohibov "men ham yiqitsam hech narsa qilmas" qabilida qoida buzgan edi, hakam darhol hushtak chaldi. Shunaqa, safarda extiyot bo'lish kerak.
56'. Endi Azim Ahmedov qoidabuzarlik uchun jazolandi. Navbatdagi sariq kartochka!
60'. Gol!
60'. Sezar navbatdagi marta birga bir vaziyatga chiqib ketdi va hisobni ochdi.
64'. Goldan so'ng "Paxtakor" sal jonlandi. Darvoza tomon ikki marta bosh bilan zarba berildi, ammo noaniq.
67'. Sezardan navbatdagi xavfli zarba. Ribkin bartaraf etdi.
68'. "Paxtakor" tomonidan tepilgan jarima zarbasi natijasiz tugadi. Raqib darvozasi oldida janjal boshlanib ketganini aytmasa, arzirli hech narsa bo'lmadi.
70'. "Paxtakor" futbolchilari biir hujum qilaylik, degandek "devor" uslubida jarima maydonchasi tomon yaxshi yaqinlashib borgandilar, ammo to'p hujumchi Igor Sergeevga qadar etib bormadi. Umuman, maydonda shunaqa futbolchi bormidi o'zi?
72'.  Bechora Masharipov! Jaloliddin ikki raqibni ajoyib tarzda aldab o'tib, oldinga ketayotgandi, "traktorchilar" yiqitishdi. Ammo hakam yana qo'pollikni "ko'rmadi". Qoyil Yudai Yamamota!
77'. Xotami yo'llagan zarbani Ribkin egallab olgani "traktorchilar" bosh murabbiyi Galenoining jazavaga tushishiga sabab bo'ldi. Jamoasi yutyaptiku, yana nima kerak bu murabbiyga...
81'. Anovi gol urgan Sezar jarohat olibdi. Endi dam olsa ham bo'laverardi, xafa bo'lmasdik.
85'. Gol!
85'. Said Og'oiy gol urdi. O'ziyam jahon chempionati finalida gol urgandek bo'ldi. Shunaqa bayram qilishdiki...
86'. Maydonga Jamshid Boltaboev tushirildi. Endimi?
87'. Rahmoniy hisobni yanada oshirishi mumkin edi. Salgina adashdi. "Paxtakor" sochilib ketgan ko'rinadi.
89'. Igor Sergeev bor ekan maydonda. Uzoqdan zarba yo'lladi. Darvozadan oshirib-oshirib tepdi. Endi qo'lidan kelgani shu-da, nimayam qilamiz...
90'. Uchrashuvga uch daqiqa qo'shib berildi. Biz uchun azobli, azobli uch daqiqa...
90+3'. Bo'ldi-ya! Tugadi-e! Odam tomosha qilib charchab ketdi bu o'yinni, futbolchilarni gapirish ham shart bo'lmaa kerak.
Sog'-omon bo'ling. O'zingizni asrang. Sizni hali oldinda ko'p o'yinlar kutib turibdi...
— deya xabar beradi uff.uz nashri.