9 aprel kuni Qo'qonda Oliy liga 4-tur doirasidagi “Qo'qon-1912” – “Buxoro” jamoalari o'rtasidagi o'yin bo'lib o'tadi. Bu jamoalarning statistik ma'lumotlarini hukmingizga havola etamiz. O'zaro o'yinlar
Ushbu jamoalar Oliy ligada 20 bora to'qnash kelishgan. Shulardan 8 tasida vakillarimiz g'olib bo'lishgan, 2 ta o'yin durang natijasi bilan intiho topgan. 10 ta uchrashuvda buxoroliklarning qo'li baland kelgan. To'plar nisbati 40:30, “Buxoro” foydasiga. O'zaro o'inlarda “Buxoro” 32, “Qo'qon-1912” esa 26 ochkoni qo'lga kiritgan. Ushbu jamoalar o'rtasidagi so'nggi ikki uchrashuvda tomonlar bir martadan g'alaba qozonishgan. Qo'qonda bo'lib o'tgan bahsda 2:1 hisobi qayd etilgan bo'lsa, Buxorodagi o'yin 2:0 hisobida maydonga egalari foydasiga hal bo'lgan. Yo'qotishlar
4-tur oldidan jamoamiz safida bir qator o'zgarishlar mavjud. Alisher Ziyavuddinov va Navro'z Alimovlar jarohat bois mashg'ulotlarda ishtirok eta olmayotgan bo'lsa, Nodir Qo'ziboev yakka tarkibda shug'ullanishni boshladi. Ushbu futbolchilar bo'lajak uchrashuvni o'tkazib yuborishlari mumkin. Qo'shimcha nomga ega shaharlar
Shanba kuni uzoq tarixga ega ikki shaharning jamoalari o'zaro maydonga tushishadi. Aytishlariga qaraganda, qo'shimcha nomi bor shaharlar dunyoda juda kam ekan. Aniqrog'i, Huqandli latif va Buxoroi sharif nomi bilan ataluvchi shaharlarni butun dunyoda tan olishgan. Yana bir qiziq jihati shundaki, bu ikki jamoa oldin boshqa nomlar bilan faoliyat yuritishgan va ko'plab yutuqlarga erishgan. Sobiq futbolchilar
Ayni damda buxoroliklar sharfani himoya qilayotgan bir qator futbolchilar ilgari “Qo'qon-1912” jamoasi to'p surishgan yoki Qo'qon futbol maktabi tarbiyalanuvichisi sanalishadi. Masalan, Ruslan Meleziddinov Qo'qon shahrida tug'ilgan bo'lib, futboldagi faoliyatini aynan shu erda boshlagan. Asilbek Omonov esa o'tgan mavsumning ikkinchi davrasida “Qo'qon-1912” jamoasida to'p surgan. Shuningdek, o'tgan yili jamoamiz safida bo'lgan Shoxrux Xolmatov ham hozirda Buxoroda faoliyat yuritmoqda. “Qo'qon-1912” jamoasi safida ham “Buxoro”ning sobiq o'yinchilari yo'q emas. Ilya Ilinni buxorolik futbol muxlislari yaxshi tanishadi. Ilya faoliyatning ma'lum qismini “Buxoro”da o'tkazgan. Shuningdek, Oybek Nurboev ham ma'lum muddat “Buxoro” sharafini himoya qilgan. Adashlar
Shanba kuni o'zaro hisob-kitob qiladigan jamoalar safida ikkita adash futbolchilar to'p surishadi. Aniqrog'i, “Qo'qon-1912” safida ham, “Buxoro” tarkibida ham Aziz Ibragimov nomli futbolchilar bor. Har ikki futbolchi ham 1986 yilda tug'ilgan. Hakamlar
9 aprel kuni Qo'qon shahridagi “Markaziy” o'yingohda bo'lib o'tadigan “Qo'qon-1912” – “Buxoro” uchrashuvini Hasan Ro'ziev boshchiligidagi hakamlar boshqarib boradigan bo'ldi. Ushbu hakam o'tgan yili ham 4-turda Qo'qondagi o'yinni boshqargan ekan. O'shanda jamoamiz o'z maydonida “Andijon” jamoasini qabul qilgandi. Umuman olganda, Ro'ziev o'tgan yili “Qo'qon-1912” jamoasi ishtirokidagi ikkita bahsni boshqarib borgan. Hasan Ro'ziev Oliy liga-2015 16-tur doirasidagi “Dinamo”ga qarshi bo'lib o'tgan bahsda ham ishlagan. Ushbu bellashuv ham Qo'qonda o'tgan. Demak, bu hakam uchinchi marta Qo'qonga tashrif buyurmoqda. Oliy liga.4-tur. 9 aprel «Qo'qon-1912» (Qo'qon) – «Buxoro» (Buxoro)
Hakamlar: H. Ro'ziev (Toshkent), O. Abduvasilov (Toshkent), S. Shoyusupov (Toshkent), D. Muxtorov (Toshkent)
Nazoratchi: S. Najafaliev (Toshkent). Qo'qonda o'tgan so'nggi uchrashuvlar 02.05.2015
Qo'qon 1912 – Buxoro – 2:1 (0:0) 23.06.2003
Qo'qon 1912 – Buxoro – 1:0 (0:0) 21.09.2002
Qo'qon 1912 – Buxoro – 1:0 (0:0) 05.11.2000
Temiryo'lchi – Buxoro – 1:6 (0:3) 18.09.1999
Temiryo'lchi – Buxoro – 4:1 (2:0) 06.11.1998
Temiryo'lchi – Buxoro – 3:1 01.10.1995
Temiryulchi – Nurafshon – 3:0 * 25.09.1994
Temiryo'lchi – Nurafshon – 1:0 18.09.1993
Temiryo'lchi – Nurafshon – 4:0 (2:0) 10.05.1992
Temiryo'lchi – Nurafshon – 1:1 (0:1) Fakt: Qo'qonda o'tkazilgan o'yinlarning 8 tasida “Qo'qon-1912” jamoasi g'alaba qozongan. Bitta o'yin durang natija bilan yakunlangan. “Buxoro” atigi bir marta Qo'qondan uch ochko bilan qaytgan. Qo'qondagi bahslarda mezbonlar 24 ochkoni qo'lga kiritishgan. Eslatib o'tamiz, o'yin 9 aprel kuni Qo'qon “Markaziy” o'yingohida soat 16:30da boshlanadi.
— deya xabar beradi uff.uz nashri.