Madridning “Real” jamoasi bosh murabbiyi Zayniddin Zidan “Volfsburg”ga qarshi (0:2) EChL chorak final dastlabki o'yinidane so'ng o'z fikrlari bilan o'rtoqlashdi. “Bu o'yindan umuman qoniqmadik. «Real» 0:2 hisobida imkoniyatni boy berishini hech kim kutmagandi. Hatto men ham. Ushbu o'yin qiyin kechishini yaxshi bilardik. “Barselona”ga qarshi kechgan o'yin o'z ta'sirini o'tkazdi. O'yinni kerakli tempda boshlay olmadik. Gol urish imkoniyatlari bizda bo'ldi, ammo endi barchasini unutib, qayd etilgan hisobni tan olishimiz kerak. Hammasi boy berilganicha yo'q. Biz – “Real Madrid” va barchasini javob o'yinida o'zgartirishimiz mumkin. Oldinda 90 daqiqa turibdi. Bir jamoa bo'lib, o'z ustimizda ishlashimiz kerak”, – deydi Zidan. Eslatib o'tamiz, “Real” va “Volfsburg” o'rtasidagi javob uchrashuv 12 aprel kuni bo'lib o'tadi. 
— deya xabar beradi uff.uz nashri.