Oliy liganing 24ta turi doirasidagi jami 192ta bahsda 524ta gol qayd etildi. Bu bitta o'yinda o'rtacha hisobda 2,73ta gol urilganini anglatada. 48ta gol (9,16 foiz) - penalti samarasi. Joriy mavsum klublar safar bahslarida gol urish bobida u qadar ajralib turishmayapti. Deylik, «Nasaf» va «Mash'al» jamoalari o'z maydonlarida safardagiga nisbatan naq ikki marotaba ko'p gol urishdi. Barcha jamoalar penalti tepish imkoniyatiga ega bo'lishdi. Umuman, ayni paytgacha atigi 4 nafar futbolchi 10ta gol marrasini bosib o'tdi, xolos.
Jami 172 nafar futbolchiga gol zavqidan tuyish nasib etdi. 9  nafar futbolchi esa qaydnomaga avtogol muallifi sifatida kirdi.  Ma'lumot o'rnida aytib o'tish kerak, avvalgi mavsum oliy liga bahslarida jami 137 nafar futbolchi gol urgandi. Demak, bu yil gol mualliflari soni ancha oshib ulgurdi.
Oliy liga-2015 «DUBL»lari
Naq 36 nafar futbolchi «dubl» qayd etishni uddaladi. Ulardan 3 nafari bu ishni 3 martadan uddaladi. Aziz Ibragimovich esa 2ta klub safida «dubl» rasmiylashtirgan yagona futbolchidir. Umumiy olganda, «dubl»lar soni - 47ta.
Davomi InterFUTBOL gazetasi blogida.
— deya xabar beradi uff.uz nashri.