Futbolda aka-ukalar kam uchraydigan holat emas. Biroq  ba'zida mashhur futbolchi soyasida o'z oila a'zosi mavjud bo'ladi. Biz hozir sizlarga ushbu 5 aka-ukalarning qiziq hikoyasi haqida so'zlab beramiz.
Serhio Aguero va Gaston Del Kastilyo (Argentina)
Kunning to'liq ismi Serhio Leonel Aguero Del Kastilyo va ushbu Primer Liga yulduzining 18 yashar, kichik ukasi bor.  Gaston ham hujumchi pozitsiyasida to'p suradi va akasi bilan o'xshash tabiatli. Ixcham va serg'ayrat futbolchi. Bir necha yillar oldin futbolchi bilan Lissabonning “Benfika” klubi jiddiy qiziqqan, lekin oxir-oqibat bu transfer ro'y bermagan. Hujumchi shundan so'ng, faoliyatida katta o'sish bo'lmagan va hozirda “Independiente” klubining o'rinbosarlari sharafini himoya qiladi. Akasi Kun ham “Independiente”da faoliyatini boshlagan va ukasidan farqli o'laroq 17 yoshlik paytidayoq Argentina chempionatida ko'plab gollar kiritgan. Umuman olganda uka akadan ancha masofa orqada va akasi kabi buyuk futbolchi bo'lishi katta shubhalar ostida.
Mats va Yonas Hummels
Ushbu ikkala o'g'lonning ota-onasi farzandlariga kasb tanlashga hech qanday imkon berishmadi. Herman Hummels sobiq futbolchi va murabbiy. Ulla Xolxof esa, Germaniyadagi yagona futbol uchrashuvini sharhlash ishonib topshirilgan ayol hisoblanadi. Keyinchalik esa, u sport telekanalining asosiy muharriri va norasmiy “nemis futbolining onasi” nomiga ega chiqqan. Ulla va Herman futbol masalasida tortishaverib, allaqachon orani ochiq qilishgan. To'ng'ich farzandligi o'ta omadli chiqdi, jahon chempioni. Biroq kenjasini o'ta muvaffaqiyatli futbolchi, deb ayta olmaymiz. 17 yoshligida uni “Bavariya”da hisobdan chiqarib yuborishgan va myunhenliklar hech qachon bunga achinmaganlar. O'shandan buyon Yonas sadoqat va matonat ila “Untraxixing” jamoasi sharafini himoya qilib kelmoqda.
Romelu va Jordan Lukaku
Akasi kabi APL da yiliga o'nlab gollarni darvoza to'riga joylab qo'yadigan futbolchi bo'lishga Jordanda barcha imkoniyatlar mavjud. Jordan haligacha Belgiyaning “Ostende” klubiga tegishli. Akasidan bor-yo'gi 1 yosh kichik bo'lishiga qaramay, Jordan top klubga ilinib olishda ancha kech qoldi. To'g'ri, u ham akasi kabi hujumchi pozitsiyasida o'ynamaydi, balki chap qanot himoyachisi sifatida u Belgiya terma jamoasining yoshlaridan tortib, asosiy jamoa safida ham o'ynashga ulgurgan.  Endi u ham akasi kabi yaqin kunlarda  xorijda to'p surish borasida mulohaza qilib ko'rishi hech kimga sir bo'lmaydi.
Davomi Penalti.uz blogida.
— deya xabar beradi uff.uz nashri.