“Tottenxem” jamoasi hujumchisi Xarri Keyn Angliya Premer-ligasining mart oyidagi eng yaxshi futbolchisi deb topildi. O'tgan oyda “Tottenxem” hujumchisi jamoasining to'rtta o'yinida beshta gol kiritdi. “Aston Villa” (2:0) va “Bornmut”ga (3:0) qarshi  o'yinlarda 22 yoshli hujumchi dubl qayd etgan bo'lsa, “Arsenal”ga qarshi (2:2) kechgan “London derbisi”da muhim golga mualliflik qilgandi. Ayni damda Keyn 22 ta gol bilan APLning to'puararlar ro'yxatini boshqarib bormoqda. “Lester” hujumchisi Jeymi Vardi 19 ta gol bilan ikkinchi o'rinda bormoqda.    “Lester” jamoasi bosh murabbiyi Klaudio Raneri APLda mart oyining eng yaxshi murabbiyi deb tan olindi. O'tgan oyda uning qo'li ostida “Lester” to'rtta o'yindan 3 tasida, ya'ni, “Uotford”, “Nyukasl” va “Kristal Pelas”ga qarshi o'yinlarda bir xil – 1:0 hisobida zafar quchgandi.  “Vest Bromvich”ga qarshi o'yinda esa 2:2 hisobidagi jangovar durang qayd etilgan edi.  Eslatib o'tamiz, “Lester” 69 ochko bilan turnir jadvalini boshqarib bormoqda. “Tottenxem” 62 ochko bilan ikkinchi o'rinda bormoqda. 
— deya xabar beradi uff.uz nashri.