Agar Madridning “Real” jamoasi EChL chorak finali javob o'yinida “Volfsburg”ni mag'lubiyatga uchratib, yarim finalga yo'llanma ola bilmasa, rahbariyat Joze Mourino bilan muzokaralarni boshlaydi. Mirror nashrining xabar berishicha, “Qirollik klubi” rahbariyati Rafael Benites iste'foga chiqarilishidan oldin portugaliyalik mutaxassis bilan kelishib olmoqchi bo'lgandi. Ammo o'shanda rahbariyatning urinishlari besamar bo'ldi. Mourino kelasi mavsumda “MYu”da ish boshlashiga ishonib, “Real” taklifini rad etgandi. Yakunda esa madridliklar Zinedin Zidanni taklif qildi.  Eslatib o'tamiz, EChL chorak final dastlabki o'yinida “Real” safarda “Volfsburg” klubiga 0:2 hisobida imkoniyatni boy bergandi. Javob o'yini 12-aprel kuni Madrid shahrida bo'lib o'tadi. 
— deya xabar beradi uff.uz nashri.