“Obod” futbol klubi kelgusida taniqli futbolchi bo'lish va o'zbek futboli dovrug'ini yanada ko'tarish istagida bo'lgan yoshlarni har tomonlama qo'llab-quvvatlash maqsadida o'z futbol maktabini ochishga qaror qildi. Shu maqsadda klub joriy yil 18 apreldan 24 aprelga qadar soat 16:00dan 18:00gacha bo'lajak futbolchilar uchun tanlov e'lon qiladi. Unda 2004-2010 yillarda tug'ilgan bolalar va o'smirlar ishtirok etishi mumkin.
Tanlovda qatnashish uchun bolaning sog'ligi to'g'risidagi ma'lumotnoma (086-U shaklda), tug'ilganlik haqida guvohnoma (metrka), ota-onasi nomidan ariza, 3x4 o'lchamdagi fotosurat hamda jismoniy tayyorgarlikdan o'tish uchun sport formasi bo'lishi shart. Tanlov “Obod” futbol klubining sun'iy qoplamali maydonida o'tkaziladi. Unutmang, “Obod” futbol maktabida farzandingiz OFKning “S” litsenziyasiga ega va malakali murabbiylar qo'l ostida futbol sir-asrorlarini o'zlashtiradi.
Manzil: “Obod” futbol klubi sun'iy qoplamali maydoni.
Mo'ljal: metroning “Mashinasozlar” bekati hamda “Temiryo'lchilar” shifoxonasi.
10, 28, 44, 72-avtobuslarning “Temiryo'lchilar shifoxonasi”, 1, 30, 96-avtobuslarning “Tashselmash” zavodi bekati.
Murojaat uchun telefonlar:
+99893 554-02-20 (Jahongir)
+99893 517-96-67 (Ilhom)
— deya xabar beradi uff.uz nashri.