“Manchester Yunayted” jamoasi hujumchisi Ueyn Runi hamon jarohatidan tiklanish jarayonini o'tkazmoqda. Angliya terma jamoasi sardori asosiy tarkib bilan mashg'ulot o'tkazdi va dushanba kuni “MYu” U-21 safida “Midlsbro” U-21 jamoasiga qarshi maydonga tushadi. Buni mankunianliklar bosh murabbiyi Lui van Gal tasdiqladi. Jarohati tufayli Runi “qizil iblislar”ning so'nggi 11 o'yinini o'tkazib yubordi. U fevral oyi o'rtalarida tizzasidan jarohat olgandi. Eslatib o'tamiz, “Manchester Yunayted” ertaga APL 33-turi doirasida “Tottenxem”ga qarshi bahs olib boradi. Runi esa 13-aprel kuni “Vest Xem”ga qarshi Angliya Kubogida maydonga tushishi kutilmoqda. 
— deya xabar beradi uff.uz nashri.