Parijning “PSJ” klubi himoyachisi Markinos “Barselona” jamoasi rahbariyati bilan shaxsiy shartnoma shartlarini kelishib oldi. Bu haqida Goal.com portali xabar tarqatdi. Manbada ayltishicha, braziliyalik futbolchi bitimga ko'ra yiliga 4,5 million evro maosh oladi va kataloniyalik klubga o'tgani uchun yana 3 million evro bonus puli ishlab oladi. Biroq “Barselona” “PSJ” bilan hamon transfer borasida kelishuvga erishmagan va tomonlar muzokaralarni davom ettirishmoqda. Eslatib o'tamiz, avvalroq, Markinos “PSJ”ni tark etish niyatida ekanligi ma'lum bo'lgandi.
— deya xabar beradi uff.uz nashri.