Chempionlar ligasida 3 marta zafar quchgan, 2 ta murabbiyning bittasi bo'lgan Anchelotti doim o'zining antiqa, qiziqarli va kutilmagan iboralari bilan ajralib turgan. Biz Karlo otaning eng sara 10 ta iborasini tuzib chiqishga qaror qildik. Bu shunchaki bizning versiyamiz xolos. Zero Anchelotti bundan ham qiziqarli iboralarni ishlatgan bo'lishi ehtimolligi ancha baland.
- Ixtiyorida Nesta, Maldini va Stam singari yulduzlar hozir bo'lgan murabbiy uyqisizlikdan azob chekmasligi muqarrar.
Anchelotti «Milan»ni boshqargan paytlari, jamoasining himoya qo'rg'oni juda kuchli ekanligidan doim, faxrlanib, g'urulanib gapirar edi.
- Mourino - mening yonimda? Biz Kostakurtaning o'rniga Gallini olganmiz. Bilganimda murabbiylar shtabida unga birorta o'rin tayyorlab qo'ygan bo'lardik. Darvozabonlar murabbiyi? Yo'q, U hech qachon futbol o'ynamagan. U hatto gol urishga ham qodir emas.
Karlo ota hech qachon Mourino bilan kelisha olmagan. Shu bois ular orasida mudom gap o'yinlari bo'lib turar edi. Joze 2008 yilda «Inter» bilan shartnoma imzolaganida, Anchelotti yuqoridagi fikrlarini izhor qilgandi.
- Mourino - o'zgacha inson. Men u bilan yaqindan tanishib oldim. U juda yoqimtoy inson. Chunki, u o'zi haqida gazetalar doimiy ravishda biror narsa yozishini istaydi va shuning uchun ham o'zini boshqacha tutadi.
2008 yili Italiya «A» seriyasi boshlanmasidan oldin.
- Portugaliyalik murabbiy dilidagi gapini darhol tiliga chiqaradi. Men esa bir gapni gapirishdan avval har tomonlama o'ylayman. Lekin buning yaxshi tomoni ham bor. Mourinoning futbolchilarga ba'zida qattiq gapirishi ularni ruxlantirib turadi.
Mour Karloning «Milan»ini haddan ortiq tanqid qilib yuboradi. Anchelotti ham o'z o'rnida hamkasbiga munosib javob qaytaradi. «Inter» o'z maydonida «Atalanta»ga 0:3 hisobida imkoniyatni boy bergach, «Rossonerlar» murabbiyi ichidagi sirtiga chiqardi.
- Agar jurnalistlarga meni omadsiz deyish yoqsa, men bunga qarshilik qilolmayman. Omadsizlar orasida eng muvaffaqiyatlisi bo'lishga qarshi emasman.
Jurnalistlar unga «omadsiz» degan laqabni qo'yishgani haqida.
Davomi Furqat Yusupov blogida.
— deya xabar beradi uff.uz nashri.