Bugun Angliya Premer-ligasining 33-tur uchrashuvlariga start beriladi. Har doimgidek, bir qator qiziqarli bo'lgan o'yinlar futbol ishqibozlari hukmiga havola etiladi.
Jumladan, turni "Vest Xem" - "Arsenal" o'yini ochib beradi. Bir qarashdan Arsen Venegr shogirdlarida imkoniyat ko'proqdek, ammo maydon egalari kerak paytda istalgan jamoadan ochko tortib olishga qodirdir.
Londonning "Chelsi" jamoasi safarda "Suonsi" mehmoni bo'ladi. Gus Xiddink futbolchilarini o'ziga xos raqib kutmoqda. Uelsliklar "aristokratlar"ga etarlicha qarshilik ko'rsatishlar kutilmoqda.
"Manchester Siti" bo'lsa o'z maydonida "Vest Bromvich"ni qabul qiladi. "Shaharliklar" bemalol uch ochkoni qo'lga kiritishlari mumkin. Sababi, "Siti" chempionlik uchun umidini hali uzmagan.
Bu turda markaziy o'yin bor. Unda "Tottenxem" jamoasi "Manchester Yunayted" bilan o'zaro kurash olib boradi. "Taqachilar" chempionlik uchun harakat qilishsa, "qizil iblislar" kuchli to'rtlikdan muqaqqar joy egallash uchun intilishmoqda. Shunday ekan, qiziqarli o'yinlarga guvoh bo'lamiz.
Ushbu tur anonsi bilan tanishing: 33-tur 09.04.2016 16.45   Vest Xem - Arsenal 19.00   Kristal Pelas - Norvich Siti 19.00   Sautgempton - Nyukasl 19.00   Uotford - Everton 19.00   Suonsi - Chelsi 19.00   Aston Villa - Bornmut 21.30   Manchester Siti - Vest Bromvich 10.04.2016 17.30   Sanderlend - Lester 20.00   Tottenxem - Manchester Yunayted 20.00   Liverpul - Stok Siti  
— deya xabar beradi uff.uz nashri.