“Liverpul” klubi yarim himoyachisi Jordan Xenderson bu mavsum boshqa maydonga tusha olmaydi. 25 yoshli xavbek Dortmundning “Borussiya” jamoasiga qarshi o'yinda orttirib olgan jarohati tufayli 6-8 haftaga safdan chiqqan. Xabar qilinishicha, futbolchi tizzasidan jiddiy jarohat olgan. Angliya terma jamoasi bosh murabbiyi Roy Xojson Evro-2016ga boradigan futbolchilarning yakuniy ro'yxatini 12 may kuni e'lon qilmoqchi va Xenderson ushbu vaqtga sog'ayishga astoydil harakat qiladi. O'yinchiga operatsiya stoliga yotish talab etilmadi va agar tiklanish jarayoni rejadagidan tezroq o'tsa, o'yinchi Evropa chempionatiga borish imkoniga ega bo'ladi.
— deya xabar beradi uff.uz nashri.