Yoshlar birinchiligi 4- tur uchrashuvlari boshlandi. Mazkur turda yoshlarimiz Muborakning “Mash'al” klubi mehmoni bo'lishdi. Jangovor ruhda o'tgan o'yinda jamoamiz mehmondan uch ochko bilan ortga qaytishga muvaffaq bo'ldi. Birinchi bo'limda “yosh navbahorchilar” tezkor gol urishga muvaffaq bo'lishdi. Yarim himoyachimiz Nodir Mavlonov ijro etgan jarima zarbasini mezbonlar darvozaboni qaytarishga ojiz qoldi, 0:1. Tanaffusga qadar ushbu hisobni o'zgartirish har ikki jamoaga nasib etmadi. Bellashuvning ikkinchi yarmi ham vakillarimizning ustunligida o'tdi. Nodir Mavlonov 55- daqiqada yana o'z nomiga gol yozdirib, o'yinda dublni rasmiylashtirdi. Aynan uning gollari yakunda yoshlarimiz g'alabasini ta'minladi. Mezbonlar uchrashuvda hisobni qisqartirishni uddalashdi, ammo uni tenglashtirishga yoshlarimiz yo'l qo'yishmadi. Shunday qilib Durbek Umaraliev boshchiligidagi "Navbahor" yoshlari mavsumdagi dastlabki g'alabani qo'lga kiritishdi. “Mash'al” – “Navbahor” 1:2 (0:1). 8 aprel. Muborak. 326 tomoshabin.
Hakamlar: Sh. Rajabov - 7,8, A. Kalinin - 8,3, E. Doniyorov - 8,1, N. Qosimov - 9.
Nazoratchi - D. Roman.
“Mash'al”: Shoxrux Eshbo'taev, Maqsud Mahmudov, Maradona Safarov, Sardor Abduraimov, Muhammadali Aliqulov, Bobur Iskandarov, Ixtiyor Toshpo'latov, Timur Masharipov, Sirojiddin Rahmatullaev, Jasur Xoliqov, Shoxrux Dostonov.
“Navbahor”: Alibek Turobov, Kahramon Mahammadjonov, Hojiakbar Yunusov, G'olibbek Karimov, Aziz Mamazoitov, Nodir Mavlonov, Aziz Turg'unboev, Bosit Rahimov, Doniyor Inamov (Ilhom Aliboev, 46), Aziz Umarov, Muydin Mamazulumov (Sanjar Asqaraliev, 46).
Gollar: M. Safarov (60, pen.) - N. Mavlonov (7, 55).
Ogohlantirishlar: M. Mahmudov (30), T. Mamatov (73), T. Hamdamov (83), M. Safarov (87) – A. Mamazoitov (60).
Chetlatish: T. Hamdamov (ikkinchi ogohlantirish, 90+4).
— deya xabar beradi uff.uz nashri.