Ertaga Oliy liga 4- tur o'yinlari doirasida jamoamiz Muborakning «Mash'al» klubi mehmoni bo'ladi. "Navbahor" va "Mash'al" jamoalari O'zbekiston chempionatlari tarixida o'zaro 30 bor uchrashishgan. Muborakliklar 12 ta uchrashuvda g'alabani tantana qilishgan. "Lochinlar"ning muvaffaqiyati soni esa bittaga kam, ya'ni "Navbahor" 11 marotaba uch ochkoni o'ziniki qilib olgan. Agarda “Navbahor” navbatdagi bahsda safarda uch ochkoni qo'lga kiritsa, g'alaba qozonish ko'rsatgichi bo'yicha raqibi bilan yana muvozanatni tiklaydi. Etti bellashuvda tomonlar murosa yo'lini tanlashgan. To'plar nisbatidagi ko'rsatkich 40-36, "Navbahor" foydasiga. Raqiblarning o'zaro o'yinlaridagi eng yirik hisob 1995 yili qayd etilgan. O'shanda jamoamiz muborakliklar darvozasiga sakkizta javobsiz to'p kiritgandi. 1996 yili "Mash'al" Namangandan 0:5 hisobidagi mag'lubiyat bilan qaytgan. 2008 yili muborakliklar aynan shu hisob bilan jamoamizni dog'da qoldirishgandi. Ushbu raqib maydonidan jami ikki bor jamoamiz zafar qozonib qaytgan. Muborakda “lochinlar” so'nggi bor 2004- yilda g'alaba bilan ortga qaytishgan. Shundan buyon “Navbahor” mehmonda “Mash'al”ga faqatgina yutqazib kelmoqda. Umid qilamizki, ushbu noxush an'anaga bu safar Rashid G'ofurov shogirdlari chek qo'yishadi. Jamoalarning o'tgan yilgi mavsumning ikkinchi yarmida Muborakda o'tkazilgan o'zaro to'qnashuvida 2:2 hisobidagi jangovor durang kuzatilgan. Alisher Mahmudov va Shahboz Erkinovlarning gollariga Aleksandr Xomyakov shogirdlaridan Sherzod Fayziev va Xumoyun Murtazove javob qaytarishgan. Mehmonda qayd etilgan natijalar:
1995 yil
"Mash'al" - "Navbahor" - 0:0
1996 yil
"Mash'al" - "Navbahor" - 0:3
2002 yil
"Mash'al" - "Navbahor" - 0:0
2003 yil
"Mash'al" - "Navbahor" - 2:2
2004 yil
"Mash'al" - "Navbahor" - 1:2
2005 yil
"Mash'al" - "Navbahor" - 2:1
2006 yil
"Mash'al" - "Navbahor" - 3:0
2007 yil
"Mash'al" - "Navbahor" - 1:0
2008 yil
"Mash'al" - "Navbahor" - 5:0
2009 yil
"Mash'al" - "Navbahor" - 3:1
2010 yil
"Mash'al" - "Navbahor" - 2:0
2011 yil
"Mash'al" - "Navbahor" - 2:0
2012 yil
"Mash'al" - "Navbahor" - 2:0
2014 yil
"Mash'al" - "Navbahor" - 3:1
2015 yil
"Mash'al" - "Navbahor" - 2:2
— deya xabar beradi uff.uz nashri.