“Real” jamoasi hujumchisi Krishtianu Ronaldu navbatdagi shaxsiy natija qayd etdi. Portugaliyalik hujumchi “Eybar”ga qarshi (4:0) Ispaniya chempionati 32-turida bitta gol kiritib, joriy mavsumda La Liga doirasidagi gollar sonini 30 taga etkazdi. Ronaldu Evropa top-5 chempionatlari (Ispaniya, Angliya, Frantsiya, Italiya va Germaniya) orasida 30 va undan ko'p golni 6 mavsum davomida kiritgan birinchi futbolchiga aylandi. Qayd etish joiz, Ronaldu “Real”ga 2009 yilda o'tgan va hozirgi kunga qadar madridliklar safida 341 o'yin o'tkazib, 356 ta gol kiritgan. 
— deya xabar beradi uff.uz nashri.