"Beshiktash" klubi hujumchisi Mario Gomes o'tgan yozda nega aynan Turkiyaga ko'chib o'tishga qaror qilganini aytib o'tdi. Hujumchining so'zlariga qaraganda, "Fiorentina"da u futbolchi sifatida rivojlanishda to'xtab qolgan ekan. – "Beshiktosh"ni men bekor tanlamadim. "Fiorentina"da oldinga siljish bo'lmadi va men rivojlanishda to'xtab qoldim. Menga yangi sinovlar kerak edi. Men oldiga jiddiy maqsadlarni qo'ygan hamda chempionlik uchun kurash olib boradigan jamoa safiga kelib qo'shildim. Agar mavsum omadli chiqsa, kelasi yozda Evropa chempionatida ishtirok etish imkoni paydo bo'ladi, – deya Gomesning so'zlarini keltiradi UEFA tashkiloti rasmiy sayti. Aytish joizki, joriy mavsumda 30 yoshli Gomes Turkiya chempionatining 8ta o'yinida 6ta gol kiritdi.
— deya xabar beradi uff.uz nashri.