"UzReport TV" telekanali eksklyuziv tarzda Evropa Chempionlar ligasi o'yinlari translyatsiyasini davom ettiradi. Xabaringiz bor, o'tgan yilning 15 sentyabr kunidan boshlab telekanal orqali ko'hna qit'aning eng nufuzli musobaqasi bahslari "jonli" efirda namoyish qilib kelinmoqda. Telekanal auditoriyasining kengligini va ko'plab tomoshabinlarning talab va istaklarini inobatga olgan holda, shu haftadan boshlab Evropa Chempionlar ligasi o'yinlari o'zbek tilida sharhlanadi. Jumladan, 12 aprel kuni Toshkent vaqti bilan soat 23:45da "Santyago Bernabeu" stadionida "Real" klubi "Volfsburg"ga qarshi maydonga tushadi. 13 aprel kuni esa “Visente Kalderon” o'yingohida “Atletiko” Madrid jamoasi “Barselona”ga qarshi bahs olib boradi. Mazkur o'yinlarni Davron Fayziev va Yoqubjon Bobojonovlar birgalikda sharhlab borishadi. Tez orada Sizlarni "UzReport TV" telekanali tomonidan taqdim etiladigan yana bir ajoyib syurpriz kutib turibdi. Bu haqida keyinroq batafsil ma'lumot beramiz. "UzReport TV" telekanalida syurprizlar mavsumi davom etadi...
— deya xabar beradi uff.uz nashri.