“Barselona” jamoasi hujumchisi Lionel Messi 2015 yilda 74 mln evro daromad ko'rdi va dunyodagi barcha futbolchilar orasida birinchi o'rinni egalladi, deb xabar qilmoqda France Football. Messi avvalgi yilgiga nisbatan 9 mln evro ko'proq pul ishladi. Ikkinchi o'rindan “Real” hujumchisi Krishtianu Ronaldu joy oldi. Uning yillik daromadi 67,4 mln evroni (2014 yilga nisbatan 13,4 mln ko'proq) tashkil qildi. Kuchli uchlikdan Messining klubdagi jamoadoshi Neymar joy oldi – 43,5 mln evro (2014 yilga nisbatan 7 mln ko'proq). Murabbiylar orasida ayni damda ishsiz yurgan Joze Mourino 2015 yilda barchadan ko'p daromad ko'rgan –24 mln evro. Kuchli uchlikdan “Bavariya” ustozi Pep Gvardiola va Rossiya termasi sobiq murabbiyi Fabio Kapello joy egalladi. 
— deya xabar beradi uff.uz nashri.