Parijning “PSJ” klubi hujumchisi Zlatan Ibrohimovich yozda “Manchester Yunayted” jamoasi a'zosiga aylanishi mumkin. Sky Sports telekanalining ma'lumotiga ko'ra, shvetsiyalik futbolchi agar bosh murabbiy Lui van Gal ketsa, mankunianliklar safiga kelib qo'shilishga tayyor. Manbada aytilishicha, Ibrohimovichda Xitoy klubidan ikki mavsumda 70 million evro maosh ko'zda tutilgan taklif ham mavjud. Biroq, hujumchiga “Manchester Yunayted” varianti qiziqroq, sababi unda ikki yil davomida yuqori saviyali klubda o'ynash imkoni yuzaga keladi. Ibrohimovichning “PSJ” bilan bitimi kelayotgan yozda o'z nihoyasiga etadi. O'z navbatida gollandiyalik mutaxassisning “MYu” bilan kelishuvi hali yana bir yilga mo'ljallangan.
— deya xabar beradi uff.uz nashri.