«Barselona» himoyachisi Tomas Vermalen jarohat oldi va noma'lum muddatga safdan chiqdi. Bu haqida klub tomonidan rasmiy xabar tarqatilgan.
- Belgiyalik himoyachi o'ng oyoq mushaklaridan jarohat oldi, - deyiladi kataloniyaliklar tomonidan qilingan bayonotda.
Eslatib o'tamiz, Vermalen joriy mavsum «Barselona» safida 19 ta o'yinda harakat qilgan va bitta gol urgan edi. Himoyachi oxirgi marta 12 mart sanasida «Xetafe»ga qarshi kechgan uchrashuvda maydonga tushgan.
— deya xabar beradi uff.uz nashri.