«Qirollik klubi» 90 yillarda Ispaniya chempionati va Evropa chempionlari kubogi (hozirgi EChL)da ikki marta zafar quchgan edi. «Tafsilot.uz» chiroyli o'yinlari bilan muxlislar qalbidan o'rin egallagan futbol yulduzlarini yodga olib, ular ayni vaqtda nima bilan band ekaniga oydinlik kiritishga qaror qildi.
Manuel Sanchis (1983—2001 yillar)
Afsonaviy himoyachi butun faoliyatini Madridning «Real»ida o'tkazgan. «Qirollik klubi» safida 700 tadan ko'p uchrashuvda maydonga tushgan. Sanchis ushbu jamoada kechgan 13 yillik faoliyati davomida madridliklarning sardori bo'lgan va 32 ta kubokni yutib olgan.
Emilio Butrageno (1982—1995 yillar)
«Quzg'un» laqabli hujumchi «Real» safida 341 ta o'yinda 100 tadan ko'proq gol urdi. Butsasini mixga ilgach, Butrageno Kaliforniya universitetiga o'qishga kirib, «sport sohasi menejmenti» yo'nalishi bo'yicha tahsil oldi. Emilio 2009 yildan buyon qadrdon jamoasida ishlab kelmoqda, «Qirollik klubi»ning xalqaro nufuzini yuksaltirish bilan shug'ullanmoqda. Bundan tashqari, u Ispaniya sport vaziriga ham maslahatchilik qiladi.
Fransisko Buyo (1986—1997 yillar)
Uzoq vaqt davomida «Real»ning asosiy darvozaboni bo'lgan Buyo ikki marta La Liganing eng yaxshi darvozabonlariga beriladigan «Zamora kubogi» («MARCA» gazetasi tomonidan 1958 yilda ta'sis etilgan mukofot, mavsum davomida eng kam gol o'tkazib yuborgan golkiperlarga beriladi. Mukofot afsonaviy ispan darvozaboni Rikardo Zamora sharafiga shunday nomlangan) nomli mukofot bilan taqdirlangan. Futbolchilik faoliyatini yakunlagach, u «Real»ning yoshlari va uchinchi jamoasi bilan ishladi. Shuningdek, ma'lum muddat Qatarning «Al Jazeera» telekanalida sharhlovchilik ham qildi.
Michel (1982—1996 yillar)
Mashhur «Butrageno beshligi»ning a'zolaridan biri ayni paytda Frantsiyaning «Marsel» jamoasini boshqarmoqda. Argentinalik Marselo Belsa iste'foga chiqarilgach, murabbiylikka aynan u taklif etildi. Michel bungacha Ispaniyaning «Rayo Valekano», «Kastilya», «Xetafe», «Sevilya» hamda Yunonistonning «Olimpiakos» jamoalarini boshqargan.
Fernando Yerro (1989—2003 yillar)
«Real»ning eng mashhur himoyachilaridan biri, jamoada 15 mavsum to'p tepib, 19 ta yutuqqa erishgan. Yerro faoliyatiga yakun yasagach, 2011 yilgacha Ispanif futbol federetsiyasida sport direktori vazifasida ishladi, so'ngra  o'zini tarbiyalagan qadrdon jamoasi «Malaga»da xuddi shunday lavozimga tayinlandi. Hozir esa u «Qirollik klubi»ning murabbiylar shtabida Zayniddin Zidanga ko'maklamoqda.
Davomi Tafsilot.Uz blogida.
— deya xabar beradi uff.uz nashri.