Angliyaning “Manchester Siti” jamoasi himoyachisi Vensan Kompani “PSJ”ga qarshi EChL chorak final javob o'yinida maydonga tusha olmasligi ma'lum bo'ldi. 30 yoshli belgiyalik futbolchi 15 mart kuni “Dinamo Kiev”ga qarshi (1:1) EChL nimchorak final javob o'yinida olgan jarohatidan hamon forig' bo'lmagan. “Kompani 100 foiz maydonga tushish uchun tayyor emas. Uni maydonga tushirib tavakkal qilishni istamayman”, – deydi jamoa ustozi Manuel Pellegrini. Ma'lumot o'rnida, “Manchester Siti” va “PSJ” o'rtasidagi uchrashuv bugun, Toshkent vaqti bilan 23:45 da boshlanadi. 
— deya xabar beradi uff.uz nashri.