Xitoy futbol federatsiyasi mamlakat futbolini rivojlantirish yo'lida yangi dastur e'lon qildi.
Unga ko'ra 2020 yilga borib Xitoyda kamida 50 million odam muntazam ravishda futbol bilan shug'ullanishi lozim. Buning uchun mamlakatda 70 mingdan ortiq maydonlar va 20 mingdan ortiq futbolchilar tayyorlash markazlari ishga tushiriladi.
Unga ko'ra 2030 yilga borib 10 ming xitoylikdan biri futbol maydonida bo'lishi rejalashtirilgan. Dasturning yakuniy maqsadi - Xitoyni 2050 yilga borib futboli o'ta rivojlangan mamlakatga aylantirish. Shu bilan birga Xitoy ayollar hamda erkaklar milliy terma jamoalari dunyo etakchilari safiga qo'shilishi lozim.
Eslatib o'tamiz, Xitoy terma jamoasi JCh-2018 saralash musobaqasi uchinchi bosqichida O'zbekiston terma jamoasiga qarshi maydonga tushadi. Ushbu terma jamoa ayni vaqtda FIFA reytingida 81-o'rinni egallab turibdi.
— deya xabar beradi uff.uz nashri.