«Chelsi» klubida mavsum oxirida darvozabon o'zgarishi mumkin.
Xabar qilinishicha, Tibo Kurtua "Chelsi"dan ketishga qaror qilgan. U yaqin vaqtlar ichida jamoasini o'zgartirishni rejalashtiryapti. Shuningdek Asmir Begovich ham omadini boshqa jamoada sinab ko'rmoqchi.
O'tgan hafta "Chelsi"ning yangi bosh murabbiyi Antonio Konte har ikki darvozabon bilan gaplashib oldi va ularning ketish ehtimolini inkor etmadi. Kurtua Ispaniya chempionatiga qaytishni maqsad qilgan bo'lsa, Begovichni kam o'yin amaliyotiga ega bo'layotgani qanoatlantirmayapti.
Shu sababli "Chelsi" yangi mavsumda kamida bir nafar kuchli darvozabon sotib olishi lozim.
— deya xabar beradi uff.uz nashri.