2016 yilning sentyabr oyida Hindistonda bo'lib o'tadigan Osiyo chempionatiga tayyorgarlik ko'rayotgan O'zbekiston o'smirlar terma jamoasi bugun, 13 aprel sanasida Polsha o'smirlar terma jamoasiga qarshi Toshkentda o'rtoqlik uchrashuvi o'tkazadi. 8 aprel kuni yig'inga kirishgan Temur Olimxo'jaev boshchiligidagi jamoa polshalik tengdoshlariga qarshi “Jar” stadionida bahs olib boradi. Uchrashuv 16:00da boshladi. Polsha o'smirlar terma jamoasi 10 aprel kuni Toshkentga etib keldi va bir necha mashg'ulotlar o'tkazish barobarida, delegatsiyaging barcha a'zolari Toshkentning eng e'tiborga sazovor joylariga sayohat uyushtirishga ulgurdi. Ta'kidlash kerakki, O'zbekiston U-16 terma jamoasi 15 aprel, juma kuni Polshaga qarshi yana bir uchrashuv o'tkazadi. Ma'lumot uchun, 16 yoshgacha bo'lgan futbolchilar o'rtasidagi Osiyo chempionati 2016 yilning 15 sentyabr – 2 oktyabr sanalari davomida, Hindistonda bo'lib o'tadi. Unda Osiyoning 16 mamlakati o'smirlari ishtirok etadi. Ushbu turnir saralash bahslari davomida Temur Olimxo'jaev boshchiligidagi terma jamoa Maldiv (8:0), Falastin (6:0) hamda Yaman (5:2) jamoalari ustidan g'alaba qozonib, “A” guruhi g'olibi sifatida qit'a birinchiligiga yo'l olgandi.
— deya xabar beradi uff.uz nashri.