Xabaringiz bor, Malayziya poytaxti Kuala Lumpur shahrida Jahon chempionati-2018 saralashining so'nggi hal qiluvchi bosqichiga qur'a tashlash marosimi bo'lib o'tdi.
Qur'a natijasiga ko'ra, O'zbekiston terma jamoasi “A” guruhidan o'rin oldi va Eron, Janubiy Koreya, Xitoy, Qatar hamda Suriya terma jamoalari bilan to'qnash keladigan bo'ldi.
Biz milliy terma jamoamiz darvozaboni Aleksandr Lobanovning qur'a bizga taqdim etgan raqiblari borasidagi fikrlari bilan qiziqdik.
- O'ylashimcha, qur'a natijasiga ko'ra bizga o'ynasa va yutsa bo'ladigan raqiblar to'g'ri keldi. Rost, bu terma jamoalarning hech birini kuchsiz deb bo'lmaydi. Ammo mag'lub etib bo'lmaydigan jamoaning o'zi yo'q! Misol uchun, Eron termasi bilan O'zbekiston ilgari ham bir necha marta to'qnash kelgan. Balki biz forslar bilan doim ham muvaffaqiyatli o'ynamagandirmiz… Lekin har qanday noxush seriya ham qachondir tugaydi.
Janubiy Koreya esa guruhdagi eng noqulay raqib. Bunday kuchli termalar bilan bo'ladigan uydagi o'yinda imkon qadar 100 foizlik natija qayd etish kerak. Mehmonda esa ochko olish uchun urinish lozim.
O'ylashimcha, oldimizda turgan bosh vazifani bajara olamiz. Bunga kuchimiz etadi. Biz eng ezgu niyatimizni amalga oshirish uchun qo'ldan kelgancha urinamiz, - deydi mahoratli posbon SPORTS.uz internet-portali muxbiriga.
Davomi Sports.Uz blogida.
— deya xabar beradi uff.uz nashri.