“Real” jamoasi yarim himoyachisi Garet Beylning agenti mijoziga Angliya Premer-ligasidan klub izlamoqda, deb xabar beradi Tuttomercatoweb. O'z navbatida, madridliklar uelslik futbolchining o'yinidan mamnun va uning 2020/21 yilgi mavsumga qadar mo'ljallangan shartnomasini uzaytirmoqchi. Biroq 26 yoshli futbolchining o'zi bunga rozilik beradimi yoki yo'q, hozircha aniq emas. Avvalroq Garet Beylga “Manchester Yunayted” va “Manchester Siti” jamoalari qiziqish bildirgandi. Uelslik futbolchi 2013 yilda “Tottenxem”dan “Real” safiga kelib qo'shilgan edi. 
— deya xabar beradi uff.uz nashri.