Kelasi mavsumdan boshlab “Bavariya”ga ustozlik qiladigan italiyalik mutaxassis Karlo Anchelotti “Barselona”ning EChLdagi holati haqida qisqacha to'xtalib o'tdi. “Bir hafta oldin hamma “Barselona”ni EChL g'olibligi uchun favorit hisoblagan edi. Hatto men ham shunday fikrda edim. Ammo hozirda bunga ishonchim komil emas. Kataloniyaliklar avvalgi darajasini yo'qotgan. EChL g'olibi kim bo'lishini aytio' juda qiyin”, – deydi Anchelotti. Bugun, EChL chorak final javob o'yini doirasida “Atletiko” jamoasi o'z maydonida “Barselona” futbolchilarini qabul qiladi. Uchrashuv Toshkent vaqti bilan 23:45 da boshlanadi. 
— deya xabar beradi uff.uz nashri.