Evropa chempionlar ligasi chorak final javob o'yinidan o'rin olgan “Benfika” va “Bavariya” o'rtasidagi uchrashuv o'z nihoyasiga etdi. Mazkur o'yinda 2:2 hisobi qayd etildi. O'yinda hisobni “burgutlar” ochdi. 27 daqiqada Ximenes o'z nomini tabloga yozdirdi. 11 daqiqadan so'ng Arturo Vidal muvozanatni tikladi va jamoalar tanaffusga 1:1 hisobida chiqib ketishdi. Ikkinchi bo'limda Myullerning goli evaziga “Bavariya” oldinga chiqib oldi. Uning goli 52 daqiqaga to'g'ri keldi. 76 daqiqada Taliska hisobni tenglashtirdi va bu gol o'yinda so'nggisi bo'ldi. Dastlabki o'yinda myunxenliklar 1:0 hisobida zafar quchgani uchun ular yarim finalga chiqishdi. EChL, 1/4 final. Javob uchrashuvi Benfika (Portugaliya) – Bavariya (Germaniya) 2:2
Gollar: 1:0 – 27 Ximenes, 1:1 – 38 Vidal, 1:2 – 52 Myuller, 2:2 – 76 Taliska.
Benfika – Ederson, Lindelef, Elizeu (Yovich, 88), Andre Almeyda, Jardel, Sanshesh, Feysa, Pitstsi (Gonsalu Gedesh, 58), Salvio (Taliska, 68), Karsela-Gonsales, Ximenes.
Bavariya – Noyer, Alkantara, Lam, Alaba, Xabi Alonso (Bernat, 90), Kimmix, Duglas Kosta, Vidal, Riberi (Gettse, 90), Martines, Myuller (Levandovski, 84).
Ogohlantirishlar: Karsela-Gonsales (70), Martines (74), Andre Almeyda (90).
Dastlabki uchrashuv: 0:1
— deya xabar beradi uff.uz nashri.