Angliya Kubogi chorak final javob o'yinida “Vest Xem” jamoasi o'z maydonida “Manchester Yunayted”ga qarshi bahs olib bordi. Ushbu o'yinda 1:2 hisobida mankunianliklar zafar quchdi. Dastlabki bo'limda hisob ochilmagan bo'lsa-da, ikkinchi bo'lim juda qiziqarli o'tdi. Uchrashuvning 54 daqiqasida Antoni Marsyalning uzatmasidan so'ng Markus Reshford individual mahorati evaziga chiroyli gol kiritib, hisobni ochdi. 67 daqiqada Maruan Fellayni o'z nomini tabloga yozdirdi –2:0. “Vest Xem” taslim bo'lishni istamadi va 79 daqiqada Tomkins hisobni qisqartirishga erishdi. O'yinning asosiy vaqti yakunlangan bir vaqtda De Xea darvozasi ishg'ol qilindi, ammo bu gol ofsayd holtidan kiritilgani uchun inobatga olinmadi.
Shu tariqa, Lui van Gal jamoasi Angliya Kubogi yarim final yo'llanmasini qo'lga kiritdi Angliya Kubogi, 1/4 final. Javob o'yini Vest Xem – Manchester Yunayted – 1:2
Gollar: Tomkins, 79 — Reshford, 54, Fellaini, 67
Vest Xem: Randolf — Kressvell, Ogbonna, Tomkins, Antonio — Nobl, Kuyate — Paye, Lansini (Emenike, 74), Valensiya (Mozes, 62) — Kerroll
Manchester Yunayted: De Xea – Roxo (Valensiya, 69), Blind, Smolling, Fosu-Mensa — Karrik, Fellaini — Martial, Errera (Shneyderlen, 77), Lingard – Reshford (Runi, 90)
Ogohlantirishlar: Kerroll – Karrik, Roxo, Errera
Dastlabki o'yin: 1:1
— deya xabar beradi uff.uz nashri.