Xitoyning Vuksi shahrida qilichbozlik bo'yicha Olimpiya o'yinlarining yo'llanmalari o'ynalgan Osiyo qit'asi bo'yicha saralash musobaqasi o'tkazildi.
Qit'aning etakchi qilichbozlari ishtirokida bo'lib o'tgan ushbu musobaqada Vatanimiz sharafini uch nafar sportchimiz himoya qildi.
Jumladan, shpaga bahslarida ishtirok etgan Ruslan Kudaev “Rio-2016” o'yinlarining yo'llanmasini qo'lga kiritishga juda yaqin keldi. Afsuski, hal qiluvchi bahsda quvaytlik sportchiga imkoniyatni boy bergan Ruslan Olimpiadaga yo'llanma ololmadi. Qoidaga ko'ra, shpaga bahslarida faqat oltin medal sohiblari Olimpiada o'yinlari yo'llanmasiga ega bo'lishlari mumkin edi.
Osiyo saralash musobaqasining rapira bahslarida qatnashgan Gulmira Ziyaeva hamda shamshirda Evgeniy Konovalov ham “Rio-2016” o'yinlariga yo'llanmani qo'lga kirita olmadilar.
Ta'kidlash joizki, Evgeniy Konovalov ham Olimpiada o'yinlarining yo'llanmasiga ega bo'lish uchun juda yaqin kelgandi. Afsuski, ushbu sportchimiz yakunda kuchli uchlikdan o'rin egallay olmadi.
Bugun bu erda Osiyo chempionati bahslari boshlanadi. Mazkur qit'a chempionatida Vatanimiz sharafini 14 nafar sportchimiz himoya qiladi. Shavkat Jalilov O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.