“Barselona” jamoasi himoyachisi Jerar Pike “Atletiko”ga qarshi (0:2) EChL chorak final javob o'yinidan so'ng kataloniyaliklar o'yinida pasayish sezilayotganini aytdi. “Biz tezkor gol o'tkazib yubormasligimiz kerak edi. Afsuski jamoa buni uddalay olmadi. Grizmann esa bizni izdan chiqarib yubordi. Ikkinchi bo'limda uyushtgan ko'plab hujum va bosimga qaramay, to'p raqib darvozasi ichidan joy olmadi. “Barselona” o'yinlarida kichik pasayish sezilmoqda, lekin ishonch bilan aytamanki, “Atletiko” bilan o'yinda bor kuchimizni ishga soldik”, – deydi ispaniyalik himoyachi.  
— deya xabar beradi uff.uz nashri.