O'tayotgan har bir kun muxlislarni Evro-2016 startiga tobora yaqinlashtirmoqda. Nafaqat muxlislarni, balki futbolchilarni ham. Ayniqsa, chempionatda ishtirok etishga real nomzod hisoblangan o'yinchilarning sabrsizlik bilan kun sanayotganlariga shubha yo'q. Lekin kutish boshqa, terma jamoa «zayavka»siga kirish boshqa. Bu borada nomzod futbolchidan talab qilinadigan asosiy shart tabiiyki, o'yin amaliyotidir.
Shveytsariyaning obro'li kompaniyasi - CIESFootballObservatory aynan shu masalaga e'tibor qaratib, bitta qiziqarli statistikani e'lon qildi. Xullas, shveytsariyalik mutaxassislar yozda qaysidir milliy jamoa safida Frantsiya-2016 turniriga borishga potentsial imkoniyati bor futbolchilarda o'yin amaliyoti qandayligini tahlil qilib chiqishdi. To'g'ri, bu borada alohida futbolchilar emas, balki butun bir jamoa miqyosidagi statistikaga urg'u qaratildi.
Yanada aniqroq ifoda etsak, terma jamoalarning qit'ada etakchi maqomida turuvchi 5ta milliy birinchilikda o'ynaydigan real nomzodlari ko'rsatkichlari umumiy holda chiqarildi. Endi bevosita natijalarga to'xtalsak, kuchli beshlikda frantsuzlar eng yuqori statistikaga ega ekanlar, albatta, faqat o'yin amaliyoti, ya'ni maydonda o'tkazilgan umumiy vaqt bo'yicha. Ma'lum qilinishicha, ayni payt Evropaning kuchli 5ta chempionati (Angliya, Ispaniya, Germaniya, Italiya va Frantsiya elit ligasi)da Frantsiya terma jamoasiga nomzod 35 nafar futbolchi to'p surmoqda. Ular joriy mavsum umumiy hisobda 66961 daqiqa o'ynaganlar (aprel oyi boshidagi holat bo'yicha).
Davomi InterFUTBOL gazetasi blogida.
— deya xabar beradi uff.uz nashri.