Futbol maydonida qo'polliklari bilan alohida ajralib turuvchi futbolchilar oz emas. Biz mashhur «telba» futbolchilar TOP-10 ligini sizning hukmingizga havola qilamiz.
10. Luis Suares
Urugvaylik hujumchi maydonda raqiblariga nisbatan noodatiy qo'pollik qilish usulini ixtiro qildi. Ya'ni tishlab oladigan odat chiqardi. U bu usulini «Ayaks» safida ilk bor sinovdan o'tkazib ko'rdi. So'ngra Ivanovichni tishlab olib, bir qancha vaqt diskalifikatsiya tufayli maydonga tushishdan bebaxra qoldi. 2014 yilgi mundialda esa Kellinini ham tishlab olgach, FIFA jim qarab turmadi va uni 4 oyga futboldan chetlatdi. Ha Luis maydonda super hujumchi, shuning barobarida super «telba» hamdir.
9. Nayjel De Yong
Futbolchilarni «sindirish qobiliyati» bilan mashhur bo'lgan De Yong maydonda na o'zini, na raqibini ayaydi. Uning qanday qo'pol harakat qilishini bilish uchun, jahon chempionati 2010 finalini eslash kifoya. Bechora Alonsa golland futbolchisidan karatecha zarbani qabul qilib olgan edi.
 
8. Mario Balotelli
Balotelli hech qachon «aqilli bola» bo'lmagan. U maydonda raqiblariga nisbatan qo'polliklar ishlatishda, har hil usullardan foydalanadi. «Manchester Siti»da to'p surayotganida, «Tottenxem» futbolchisi Skott Parkerning yuziga chiroyli tarzda zarba tushirib, 4 o'yinga diskalifikatsiya qilingan edi. Super Mario «shaharliklar» tarkibida hattoki, bosh murabbiy Manchini bilan yoqalashishga ham borgandi.
7. Pol Gaskoyn
Ichkilikka ro'jo qo'yish bo'yicha haqiqiy «namuna» bo'lgan futbolchi bu Pol Gaskoyndir. Ingliz hujumchisi uchrashuvlardan oldin, ichib maydonga tushganligini ochiqchasiga tan olgan. Tasavvur qiling-a, mast futbolchining maydondagi harakatlarini. Biroq Gaskoyn shunda ham chiroyli o'yinlar namoyish qilib, muxlislar qalbidan joy olgan.
Davomi Furqat Yusupov blogida.
— deya xabar beradi uff.uz nashri.