Tavsiya qilamiz:
UzBARCA.COM - FC Barcelona Muxlislar sayti !!!
" Real madrid " muxlislari sayti !!!
"FUTBOL TV " Yangiliklar !!
" Real madrid " muxlislari sayti !!!
"FUTBOL TV " Yangiliklar !!
Himoya yoxud yana milliy terma jamoamiz kamchiliklari xususida (InterFUTBOL blogi)
O'zbekiston terma jamoasi JCh-2018 saralash musobaqasining ikkinchi bosqichini ajo-yib tarzda yakunladi. Hammasidan ham juda muhim sanalgan so'nggi ikki o'yinda ortiqcha muammosiz g'alaba qozonganimiz bizga yoqdi. Garchi ko'p gol urilmagan bo'lsa ham, muhimi - gol o'tkazilmadi. Va bunda shubhasiz, himoyachilarning xizmati katta. Ammo qay darajada kattaligini hali ko'rib chiqish lozim bo'ladi. Hozir shu haqida.
SAVOLLAR VA ShUBHALAR
O'rni kelganda ta'kidlash lozim, JCh saralashining so'nggi - uchinchi bosqichi oldidan muxlislarni tashvishga solayotgan narsa aynan himoya chizig'i bo'lib turibdi. Garchi Samvel Babayan terma jamoa boshqaruviga kelganidan buyon o'tkazilgan etti o'yinda bor-yo'g'i uchta gol o'tkazib yuborilgan bo'lsa-da, (Filippin - O'zbekiston - 1:5, O'zbekiston - KXDR - 3:1, Yaman - O'zbekiston - 1:3) himoya borasidagi savollar va shubhalar bir zum tingani yo'q. Hatto, Filippin va Bahraynga qarshi kechgan va 1:0 hisobidagi g'alaba bilan yakunlangan o'yinlardan so'ng ham himoyaga yuqori baho berilmadi. Xo'sh, nega?
Bu savolga javob berishdan oldin so'nggi ikki o'yinda maydonga tushgan himoyachilarga e'tibor qaratsak. Filippinga qarshi kechgan bahsda To'xtaxo'jaev-Krimets-Ismoilov-Denisov kvartetiga ishonch bildirildi. Raqib birinchi bo'lim boshidayoq bir kishi kam bo'lib qolganini inobatga olsak, himoya etarlicha sinovdan o'tmagandek ko'rinishi mumkin. Ammo Filippin o'n kishi bo'lib ham darvozamiz tomon zarba berishning uddasidan chiqqani bu fikrni inkor etadi. Hech bo'lmaganda, ikkinchi bo'lim o'rtalarida Martin Shtubl darvoza tomon zarba bergan vaziyatni eslaylik. Vitaliy Denisov oddiy holatda raqibni o'tkazib yuborgani etmagandek, markaziy himoyachilar Anzur Ismoilov va Egor Krimetsning ancha uzoqda qolib ketishgani g'alati.
«PAXTAKOR» HIMOYaSI
Biroq bu vaziyat ham Bahraynga qarshi kechgan o'yin oldida hech narsa bo'lmasa kerak. Ta'kidlash joiz, guruhdagi so'nggi bahsda himoya chizig'i ancha o'zgarishlarga uchradi. Avvaliga o'yin boshlanishi oldidan Islom To'xtaxo'jaevning maydonga tusha olmasligi ma'lum bo'ldi va uning o'rni Davron Hoshimov bilan to'ldirildi. Eng yomoni - o'yin boshlangach 20 daqiqa o'tar-o'tmas Vitaliy Denisov ham jarohat olib, maydonni tark etdi va Stanislav Andreev zaxiradan o'yinga qo'shildi. Shundan so'ng himoya chizig'i quyidagicha ko'rinish oldi: Hoshimov-Krimets-Ismoilov-Andreev.
Ismoilovni inobatga olmasak, ushbu o'zgarishdan so'ng himoya chizig'i asosan «Paxtakor» a'zolaridan iborat bo'ldi. E'tibor bering, bu jamoa Osiyo Chempionlar Ligasida «Al-Hilol»dan to'rtta gol o'tkazib yuborgan edi. O'sha o'yinni eslasak, raqibda gol urish uchun yanada ko'proq imkoniyatlar bo'lganini yodga olishimiz mumkin. Baxtimizga arablar hamma vaziyatdan ham foydalana olmadilar. Xuddi shu gapni O'zbekiston - Bahrayn o'yini haqida ham aytish mumkin. Raqib biroz epchilroq bo'lganida, hisob biz o'ylagandan boshqacharoq ko'rinish olishi mumkin edi. Arablarda gol urish uchun bir qator imkoniyatlar bo'ldi. Aniqrog'i, futbolchilarimiz shunga imkon berdilar. Himoya chizig'ining qayta shakllanish davrini boshdan kechirayotgan «Paxtakor» vakillaridan iborat bo'lganini inobatga olsak, bunga hayron qolish shartmikan?
«Paxtakor» bu yil ancha muammolarga duch kelayotgani hech kimga sir emas. Ammo Samvel Babayan hamon shu jamoa futbolchilariga katta e'tibor qaratmoqda. Murabbiyning bu qarorini tushunish mumkin, har holda, u ishonch bildirgan futbolchilar pand bermadilar va barcha o'yinlarda g'alabaga erishildi. Ammo keyingi bosqichda Yaponiya va Avstraliya kabi kuchli raqiblarga qarshi kechadigan o'yinlarda ham bu an'ana saqlanib qolarmikan? Bu savolga javob berish ancha qiyin.
QO'POL XATO
Endi Bahraynga qarshi kechgan o'yindagi yana bir vaziyatni yodga olishga izn bersangiz. Uchrashuvning 59-daqiqasida maydon markazida yosh va tajribasiz Eldor Shomurodov xatoga yo'l qo'ydi. Biroq vaziyat u qadar jiddiy emasdek ko'rinayotgandi, boisi markaziy himoyachilarimiz - Egor Krimets va Anzur Ismoilovlar to'g'ri pozitsiyada turgandilar va qarshi hujumni to'xtatib qolishlari mumkin edi. Ammo o'sha vaziyatda bahraynlik Ismoil Abdulatif ulardan osonlikcha qochib ketib, Lobanov bilan birga-bir vaziyatga chiqdi. Baxtimizga darvozabonimiz xavfni to'g'ri baholadi va o'z vaqtida o'rnini tashlab chiqib, to'pni egalladi. Ta'kidlash joiz, kiper uchun bu oson ish emas. Chunki raqibni himoyachilarimiz ta'qib qilib kelayotganda o'z joyingni bemavrid tashlab chiqsang, bo'sh qolgan darvozaga osongina to'pni joylab qo'yishlari mumkin. Biroq Lobanov Krimets va Ismoilovning ortda qolib ketayotganini o'z vaqtida angladi va oldinga yugurib chiqib, xavfni bartaraf etdi. Xo'sh, bu vaziyatda himoyada qanday xatoga yo'l qo'yilgan edi?
Aslida, juda ham katta xato bo'lmagandi. Shunchaki, himoyachilarimiz imkoniyat doirasi bu hujumni bartaraf etish darajasida keng bo'lmagani tufayli raqib o'tkazib yuborildi. Markaziy himoyachilar Krimets va Ismoilov bir xil tipdagi futbolchilar hisoblanishadi - bo'ydor, bosh bilan yaxshi o'ynashadi, pozitsiya tanlashda yaxshi harakat qilishadi. Ammo yomon tomoni - ikkisida ham dastlabki tezlik pastroq. Ularning birdan tezlanish olib, raqibni ta'qib etishlari ancha qiyin. Ayniqsa, qarshi hujumlar vaqtida qiyinchilikka duch kelishadi. Ismoil Abdulatif oldinga o'tib ketgan vaziyatda ham aynan shu jihat pand berdi. Haytovur baxtimizga Anzurning Xitoy chempionatida o'ynab, «podkat» berish mahoratini oshirgani ko'rinib turibdi. Bu omil ancha-muncha vaziyatda qo'l keldi. Bir vaziyatda Stanislav Andreev o'z qanotidan raqibni o'tkazib yuborganda aynan shunday uslubda xavfni bartaraf etgani bilan olqish oldi. Yodingizda bo'lsa, JCh-2010 saralashi uchun Bahraynga qarshi kechgan o'yinlarda Ismoilovning noo'ng'ay «podkat»lari tufayli jarima to'pi belgilangan va Abdulrahmon jarimadan o'sha mashhur gollarini Nesterov darvozasiga joylagan edi. Anzur bu kamchiligini tuzatishga erishganini ko'rdik. Biroq Ismoil Abdulatif birga-bir vaziyatga chiqib ketganda shuning o'zi kamlik qildi. Agar o'sha vaziyatda Ismoilovning yonida tezkor sherigi bo'lganida, balki xato yopilarmidi... Ammo hamma gap shundaki, Egor Krimets ham tezligi bilan u qadar maqtana olmaydi. Oqibatda, har ikki himoyachi ham Abdulatifga «oq yo'l» tilashdan o'zga chora topa olmadilar.
Baxtimizga raqib o'sha vaziyatda gol ura olmadi, Lobanov qutqardi. Ammo hamma ham Bahrayn emas va keyingi bahslarda xatolar kechirilmasligi ehtimoli juda katta. Xo'sh, bu o'rinda nima qilish mumkin? Eng avvalo, markaziy himoyada Krimets-Ismoilov juftligidan boshqacharoq variantlarni ko'rib chiqish zarar qilmas edi. Biz bu chiziqda Mullajonov-Ismoilov va To'xtaxo'jaev-Ismoilov tandemini ko'p ko'rganmiz. Albatta, juda ham o'zini oqlagan, deyish qiyin, ammo Ismoil Abdulatif o'tib ketgani kabi qo'pol xatolarni ham ko'rmaganmiz. Boisi, ikki xil tipdagi bu himoyachilar bir-birining aybini yopib turishar edi. Hozir aynan shu himoyachilarni yana maydonga qaytarishni so'ramaymiz. Chunki vaqt o'tgan, sharoit o'zgargan. Shunchaki, yurtimizda nafaqat yosh hujumchilar, balki yosh himoyachilar ham ko'zga tashlanib borayotganini eslatib o'tmoqchimiz, xolos. Masalan, OChL saralashida «Bunyodkor» va «Al-Shabab» o'rtasida kechgan muhim bahsda Rustam Ashurmatov va Javlon Mirabdullaevlar ancha ishonchli o'yin namoyish qilgan edilar. Yaxshilab qidirilsa, boshqa jamoalarda ham iqtidorli futbolchilar topilib qoladi. Faqat istak bo'lsa, kifoya...
Davomi InterFUTBOL gazetasi blogida.
— deya xabar beradi uff.uz nashri.
SAVOLLAR VA ShUBHALAR
O'rni kelganda ta'kidlash lozim, JCh saralashining so'nggi - uchinchi bosqichi oldidan muxlislarni tashvishga solayotgan narsa aynan himoya chizig'i bo'lib turibdi. Garchi Samvel Babayan terma jamoa boshqaruviga kelganidan buyon o'tkazilgan etti o'yinda bor-yo'g'i uchta gol o'tkazib yuborilgan bo'lsa-da, (Filippin - O'zbekiston - 1:5, O'zbekiston - KXDR - 3:1, Yaman - O'zbekiston - 1:3) himoya borasidagi savollar va shubhalar bir zum tingani yo'q. Hatto, Filippin va Bahraynga qarshi kechgan va 1:0 hisobidagi g'alaba bilan yakunlangan o'yinlardan so'ng ham himoyaga yuqori baho berilmadi. Xo'sh, nega?
Bu savolga javob berishdan oldin so'nggi ikki o'yinda maydonga tushgan himoyachilarga e'tibor qaratsak. Filippinga qarshi kechgan bahsda To'xtaxo'jaev-Krimets-Ismoilov-Denisov kvartetiga ishonch bildirildi. Raqib birinchi bo'lim boshidayoq bir kishi kam bo'lib qolganini inobatga olsak, himoya etarlicha sinovdan o'tmagandek ko'rinishi mumkin. Ammo Filippin o'n kishi bo'lib ham darvozamiz tomon zarba berishning uddasidan chiqqani bu fikrni inkor etadi. Hech bo'lmaganda, ikkinchi bo'lim o'rtalarida Martin Shtubl darvoza tomon zarba bergan vaziyatni eslaylik. Vitaliy Denisov oddiy holatda raqibni o'tkazib yuborgani etmagandek, markaziy himoyachilar Anzur Ismoilov va Egor Krimetsning ancha uzoqda qolib ketishgani g'alati.
«PAXTAKOR» HIMOYaSI
Biroq bu vaziyat ham Bahraynga qarshi kechgan o'yin oldida hech narsa bo'lmasa kerak. Ta'kidlash joiz, guruhdagi so'nggi bahsda himoya chizig'i ancha o'zgarishlarga uchradi. Avvaliga o'yin boshlanishi oldidan Islom To'xtaxo'jaevning maydonga tusha olmasligi ma'lum bo'ldi va uning o'rni Davron Hoshimov bilan to'ldirildi. Eng yomoni - o'yin boshlangach 20 daqiqa o'tar-o'tmas Vitaliy Denisov ham jarohat olib, maydonni tark etdi va Stanislav Andreev zaxiradan o'yinga qo'shildi. Shundan so'ng himoya chizig'i quyidagicha ko'rinish oldi: Hoshimov-Krimets-Ismoilov-Andreev.
Ismoilovni inobatga olmasak, ushbu o'zgarishdan so'ng himoya chizig'i asosan «Paxtakor» a'zolaridan iborat bo'ldi. E'tibor bering, bu jamoa Osiyo Chempionlar Ligasida «Al-Hilol»dan to'rtta gol o'tkazib yuborgan edi. O'sha o'yinni eslasak, raqibda gol urish uchun yanada ko'proq imkoniyatlar bo'lganini yodga olishimiz mumkin. Baxtimizga arablar hamma vaziyatdan ham foydalana olmadilar. Xuddi shu gapni O'zbekiston - Bahrayn o'yini haqida ham aytish mumkin. Raqib biroz epchilroq bo'lganida, hisob biz o'ylagandan boshqacharoq ko'rinish olishi mumkin edi. Arablarda gol urish uchun bir qator imkoniyatlar bo'ldi. Aniqrog'i, futbolchilarimiz shunga imkon berdilar. Himoya chizig'ining qayta shakllanish davrini boshdan kechirayotgan «Paxtakor» vakillaridan iborat bo'lganini inobatga olsak, bunga hayron qolish shartmikan?
«Paxtakor» bu yil ancha muammolarga duch kelayotgani hech kimga sir emas. Ammo Samvel Babayan hamon shu jamoa futbolchilariga katta e'tibor qaratmoqda. Murabbiyning bu qarorini tushunish mumkin, har holda, u ishonch bildirgan futbolchilar pand bermadilar va barcha o'yinlarda g'alabaga erishildi. Ammo keyingi bosqichda Yaponiya va Avstraliya kabi kuchli raqiblarga qarshi kechadigan o'yinlarda ham bu an'ana saqlanib qolarmikan? Bu savolga javob berish ancha qiyin.
QO'POL XATO
Endi Bahraynga qarshi kechgan o'yindagi yana bir vaziyatni yodga olishga izn bersangiz. Uchrashuvning 59-daqiqasida maydon markazida yosh va tajribasiz Eldor Shomurodov xatoga yo'l qo'ydi. Biroq vaziyat u qadar jiddiy emasdek ko'rinayotgandi, boisi markaziy himoyachilarimiz - Egor Krimets va Anzur Ismoilovlar to'g'ri pozitsiyada turgandilar va qarshi hujumni to'xtatib qolishlari mumkin edi. Ammo o'sha vaziyatda bahraynlik Ismoil Abdulatif ulardan osonlikcha qochib ketib, Lobanov bilan birga-bir vaziyatga chiqdi. Baxtimizga darvozabonimiz xavfni to'g'ri baholadi va o'z vaqtida o'rnini tashlab chiqib, to'pni egalladi. Ta'kidlash joiz, kiper uchun bu oson ish emas. Chunki raqibni himoyachilarimiz ta'qib qilib kelayotganda o'z joyingni bemavrid tashlab chiqsang, bo'sh qolgan darvozaga osongina to'pni joylab qo'yishlari mumkin. Biroq Lobanov Krimets va Ismoilovning ortda qolib ketayotganini o'z vaqtida angladi va oldinga yugurib chiqib, xavfni bartaraf etdi. Xo'sh, bu vaziyatda himoyada qanday xatoga yo'l qo'yilgan edi?
Aslida, juda ham katta xato bo'lmagandi. Shunchaki, himoyachilarimiz imkoniyat doirasi bu hujumni bartaraf etish darajasida keng bo'lmagani tufayli raqib o'tkazib yuborildi. Markaziy himoyachilar Krimets va Ismoilov bir xil tipdagi futbolchilar hisoblanishadi - bo'ydor, bosh bilan yaxshi o'ynashadi, pozitsiya tanlashda yaxshi harakat qilishadi. Ammo yomon tomoni - ikkisida ham dastlabki tezlik pastroq. Ularning birdan tezlanish olib, raqibni ta'qib etishlari ancha qiyin. Ayniqsa, qarshi hujumlar vaqtida qiyinchilikka duch kelishadi. Ismoil Abdulatif oldinga o'tib ketgan vaziyatda ham aynan shu jihat pand berdi. Haytovur baxtimizga Anzurning Xitoy chempionatida o'ynab, «podkat» berish mahoratini oshirgani ko'rinib turibdi. Bu omil ancha-muncha vaziyatda qo'l keldi. Bir vaziyatda Stanislav Andreev o'z qanotidan raqibni o'tkazib yuborganda aynan shunday uslubda xavfni bartaraf etgani bilan olqish oldi. Yodingizda bo'lsa, JCh-2010 saralashi uchun Bahraynga qarshi kechgan o'yinlarda Ismoilovning noo'ng'ay «podkat»lari tufayli jarima to'pi belgilangan va Abdulrahmon jarimadan o'sha mashhur gollarini Nesterov darvozasiga joylagan edi. Anzur bu kamchiligini tuzatishga erishganini ko'rdik. Biroq Ismoil Abdulatif birga-bir vaziyatga chiqib ketganda shuning o'zi kamlik qildi. Agar o'sha vaziyatda Ismoilovning yonida tezkor sherigi bo'lganida, balki xato yopilarmidi... Ammo hamma gap shundaki, Egor Krimets ham tezligi bilan u qadar maqtana olmaydi. Oqibatda, har ikki himoyachi ham Abdulatifga «oq yo'l» tilashdan o'zga chora topa olmadilar.
Baxtimizga raqib o'sha vaziyatda gol ura olmadi, Lobanov qutqardi. Ammo hamma ham Bahrayn emas va keyingi bahslarda xatolar kechirilmasligi ehtimoli juda katta. Xo'sh, bu o'rinda nima qilish mumkin? Eng avvalo, markaziy himoyada Krimets-Ismoilov juftligidan boshqacharoq variantlarni ko'rib chiqish zarar qilmas edi. Biz bu chiziqda Mullajonov-Ismoilov va To'xtaxo'jaev-Ismoilov tandemini ko'p ko'rganmiz. Albatta, juda ham o'zini oqlagan, deyish qiyin, ammo Ismoil Abdulatif o'tib ketgani kabi qo'pol xatolarni ham ko'rmaganmiz. Boisi, ikki xil tipdagi bu himoyachilar bir-birining aybini yopib turishar edi. Hozir aynan shu himoyachilarni yana maydonga qaytarishni so'ramaymiz. Chunki vaqt o'tgan, sharoit o'zgargan. Shunchaki, yurtimizda nafaqat yosh hujumchilar, balki yosh himoyachilar ham ko'zga tashlanib borayotganini eslatib o'tmoqchimiz, xolos. Masalan, OChL saralashida «Bunyodkor» va «Al-Shabab» o'rtasida kechgan muhim bahsda Rustam Ashurmatov va Javlon Mirabdullaevlar ancha ishonchli o'yin namoyish qilgan edilar. Yaxshilab qidirilsa, boshqa jamoalarda ham iqtidorli futbolchilar topilib qoladi. Faqat istak bo'lsa, kifoya...
Davomi InterFUTBOL gazetasi blogida.
— deya xabar beradi uff.uz nashri.
Bosh sahifaga
585