"Barselona" klubi Ispaniya chempionati 32 turida "Real Sosedad"ga qarshi kechgan uchrashuvda mag'lubiyatga uchragach, jamoaning etakchi futbolchilari va bosh murabbiy Luis Enrike o'rtasida kelishmovchilik kelib chiqdi.
Futbolchilarga Luis Enrike tomonidan qabul qilingan ba'zi qarorlar yoqmagan. Uchrashuvda kataloniyaliklar 0:1 hisobida mag'lubiyatga uchrashgan. Futbolchilar Luis Enrike asosiy tarkibda Andres Inestaning o'rniga Rafinya Alkantarani maydonga tushirganidan norozi bo'lmoqdalar. Alkantara uzoq vaqt jarohati tufayli o'ynay olmagan edi.
Boz ustiga chap qanot himoyachisi Xordi Albaning o'rnida yarim himoyachi Serxi Roberto o'ynaganidan ham norozi bo'lganlar. Shuningdek Ivan Rakitich va Luis Suares o'rniga Arda Turon va Munir El-Xaddadi o'ynagani ham turli savollarga sabab bo'lgan.
Futbolchilar Barselonaga qaytish vaqtida samolyotdayoq murabbiyga nisbatan norozilik bildirganlari xabar qilinmoqda.
— deya xabar beradi uff.uz nashri.