Oliy liga beshinchi turidan joy olgan “Qizilqum” — “Paxtakor” uchrashuvi Navoiy viloyat teleradiokompaniyasi ijodkorlari sa'y-harakatlari bilan to'g'ridan to'g'ri viloyat televideniesida translyatsiya qilinishi rejalashtirilgan. Uchrashuv 15 aprel kuni soat 18.00 da boshlanadi. Uchrashuvni hamkasbimiz, taniqli futbol sharhlovchisi Rahmonqul Boltaev stadionning o'zidan sharhlab boradi. Shuningdek, mazkur o'yin Sport TV orqali 16 aprel oqshomida soat 22.10 dan boshlab yozib olingan holda teletomoshabinlar hukmiga havola qilinadi. Eslatib o'tamiz, Navoiy viloyat televideniesi orqali 3-turning “Qizilqum” — “Olmaliq” uchrashuvi to'g'ridan to'g'ri ilk marotaba translyatsiya qilingan edi.
— deya xabar beradi uff.uz nashri.