Madridning "Real" klubi direktori Emilio Butrageno Chempionlar ligasi yarim finali uchun tashlangan qur'a haqida fikr bildirarkan, «Manchester Siti»ga qarshi kechadigan kurash jiddiy bo'lishini aytib o'tdi.
"Bu teng kuchga ega ikki jamoa o'rtasida kechadigan keskin kurash bo'ladi. Chunki har ikki klub tarkibida ham o'ta kuchli futbolchilar bor.
"Manchester Siti" - juda xavfli jamoa. Ular ilk bora Chempionlar ligasi yarim finaliga chiqdilar va ulkan ishtiyoqqa egaliklari turgan gap. Biz finalga chiqish uchun behad kuchli o'yin namoyish qilishimiz lozim.
"Manchester Siti"ga yo'liqib, omadimiz kelgani haqida aytilayotgan gaplarga kelsak, o'tgan yili ham "Real" qur'aga ko'ra "Yuventus"ga qarshi o'ynashi aytilganda jamoamizning omadi kelgani haqida gapirishgan edi. Ular esa bizni musobaqadan chiqarib yuborishgan. Yarim finalda hamma jamoalar kuchli", - deydi Butrageno.
— deya xabar beradi uff.uz nashri.