Angliya chempionshipida harakat qilayotgan “Lids Yunayted” prezidenti Massimo Chellino futboldan chetlatildi.
Angliya futbol ligasi italiyalik biznesmenni klub prezidenti yoki direktorligi lavozimini egallash huquqidan qo'shimcha qiymat solig'ini to'lamagani uchun maxrum qildi.
Eslatib o'tamiz, bugun jamoa ustozi Uve Resler iste'foga chiqarilgan. Bu oxirgi 18 oy davomida klub murabbiylarining oltinchi iste'fosi bo'ldi, qizig'i Chellino ham klubga shuncha vaqtdan buyon egalik qilib kelmoqda.
Ortda qolgan 11 turdan keyin “Lids” Chempionship musobaqa jadvalida 18-o'rinni egallab turibdi.
Manba: arena.uz
— deya xabar beradi uff.uz nashri.