“Manchester Yunayted” jamoasi bosh murabbiyi Lui van Gal klub darvozaboni David De Xeaning “Real”ga o'tib ketishi mumkinligi haqidagi gaplarga o'z munosabatini bildirdi. “De Xeaning transferi borasida qandaydir dalilga egamisizlar? Florentino Peres yoki Ed Vudvord bilan gaplardinglarmi? De Xea “Real”ga o'tib ketadi deb yana takrorlayapsizlar. Men esa u “MYu”da qolishini aytyapman. Men uning transferi haqida hech narsa bilmayman, balki buni o'zi bilar”, – deydi van Gal. 2015 yilning avgust oyining so'nggi kunida De Xea “Real”ga o'tib ketishiga bir bahya qolgandi. Ammo hujjatlardagi muammolar tufayli uning transferi amalga oshmay qolgan. 
— deya xabar beradi uff.uz nashri.