"Lokomotiv" - "Mash'al" uchrashuvidan keyin tashkil etilgan matbuot anjumanida mehmonlar ustozi Aleksandr Xomyakov qatnashdi. Aleksandr XOMYaKOV (“Mash'al” bosh murabbiyi): - Hammasi haqqoniy, “Lokomotiv” bizdan ko'ra kuchli edi. Raqibni g'alaba bilan tabriklayman! Tajriba va iqtidor muhim rol o'ynaydi. Jamoa birinchi bo'limda o'ziga o'xshamadi. Ikkinchi taymda qarshi hujumlarda gol o'tkazib yubordik. Futbolchilarimizda kurashuvchanlik yo'qolib qoldi. - Statiskaga ahamiyat beradigan bo'lsak, hamma o'yinlarda uchta gol o'tkazib yuboryapsizlar. Bu nima bilan bog'liq? - Bu mavsumdan umid katta edi. Kombinatsion futbol o'ynamoqchi edik. Raqib jarima maydoni atrofida pressingga asoslangan futbol namoyish qilishni rejalashtirgandik. Shunga mos ravishda tayyorgarlangandik. Dastlabki turlarda bu foyda bermadi. Rejani o'zgartirib, himoyaviy o'yinga o'tdik. Bunga “Bunyodkor”ga qarshi uchrashuv isbot. Bugun ham shunday o'yinni rejalashtirgandik. Biroq birinchi bo'limdagi tezkor gol barchasini o'zgartirib yubordi. Bugun bizga qiyin bo'lishini bilardik. Taktik tomondan rejalashtirganlarimiz amalga oshmadi. Markazni yopmoqchi edik. Yakka kurashlarda raqibni yopishga harakat qildik. Birinchi goldan keyin ochiqroq o'ynashga harakat qildik. “Lokomotiv” bilan ochiq o'ynash nimalarga olib kelishini ko'rdik
— deya xabar beradi uff.uz nashri.