Bugun Evropa Chempionlar ligasi musobaqasining guruh bosqich 3-tur uchrashuvlariga start beriladi. Har doimgidek, birinchi o'yinlar kuni to'rtta guruhda bahslar davom ettiriladi.
Jumladan, Kataloniyaning "Barselona" jamoasi Belorus poytaxti Minskda BATE mehmoni bo'ladi. Ushbu o'yinni ko'rish uchun MDH davlatlaridan minglab ishqibozlar tashrif buyurishi kutilmoqda.
Sankt-Peterburgning "Zenit" klubi o'z maydonida Frantsiyaning "Lion" jamoasini qabul qiladi. G'alaba qozonish uchun piterliklardan imkoniyatlar etarli darajada.
Londonning "Chelsi" jamoasi bo'lsa, Kievda "Dinamo" bilan o'ynaydi. Bu uchrashuv ham o'ziga xos tarzda o'tishi turgan gap.
Bugungi o'yinlarning eng qizig'i shubhasiz, Angliya poytaxtida kechadi. Unda "Arsenal" klubi Myunxenning "Bavariya" jamoasini kutib oladi. Aynan "to'pchilar"da nemis grandlarini engish tajribasi yaxshi shakllangan. Ko'ramiz, bugun ham Venger shogirdlari Gvardiola futbolchilarini taslim eta olisharmikan?! Bundan tashqari, "Bayer" - "Roma" uchrashuvi ham ko'pchilikda befarq bo'lmaydi.
Ushbu tur anonsi bilan tanishing: 3-tur 20.10.2015 23.45 E BATE - Barselona 23.45 E Bayer - Roma 23.45 F Arsenal - Bavariya 23.45 F Galatasaroy - Olimpiakos 23.45 G Portu - Makkabi T-A 23.45 G Dinamo Kiev - Chelsi 23.45 H Zenit - Lion 23.45 H Valensiya - Gent 21.10.2015 23.45 A Malmyo - Shaxtyor 23.45 A PSJ - Real Madrid 23.45 B TsSKA - Manchester Yunayted 23.45 B Volfsburg - PSV Eyndxoven 23.45 C Atletiko Madrid - Astana 23.45 C Galatasaroy - Benfika 23.45 D Yuventus - Borussiya M 23.45 D Manchester Siti - Sevilya
— deya xabar beradi uff.uz nashri.