“Bunyodkor” – “Olmaliq” uchrashuvidan keyin tashkil etilgan matbuot anjumanining birinchi qismida olmaliqliklar ustozi Igor Shkvirin qatnashdi.
- “Bunyodkor” gollar urdi va g'alaba qozondi. Ushbu turgacha “qaldirg'ochlar” to'rtta o'yinda jami shuncha gol urishgandi. Bugun esa bitta bahsda to'rt bora darvoza to'rini ishg'ol etishdi. Aytmoqchi bo'lganim biz qo'pol xatolarga yo'l qo'ydik. Fikrim shu. Rostini aytsam, hozir qanday futbol o'ynayotganimizni tushunmayapman. Mavsumoldi o'quv-mashg'ulot yig'inlarida hammasi ajoyib edi. Agar Germaniya terma jamoasi ham bizga o'xshab to'p tepganida chempion bo'lolmasdi. Mashg'ulotlarda hamma yaxshi ishlaydi. Biroq rasmiy o'yinlarda buni amalga oshirisha olmayapti. “Bunyodkor” olis masofalardan tezkor to'p oshirishlar tufayli zafar quchdi. Raqibni yaxshi o'rganib chiqib, kamchiliklari va ustun jihatlari haqida futbolchilarimizga ma'lumot berganmiz. Shunchaki, bugun “Bunyodkor” bizga o'shlashga imkon bermadi va o'zi ham yaxshi o'ynadi, - deydi Igor Anatolevich.
— deya xabar beradi uff.uz nashri.