«PSJ» rahbariyati Edinson Kavani jamoadan ketgan taqdirda uning o'rnini bosa oladigan nomzod qidirmoqda.
Xabar qilinishicha, parijliklar e'tibori "Atletiko" hujumchisi Antuan Grizmannga qaratilgan. Biroz vaqt muqaddam madridliklar frantsiyalik futbolchiga yangi shartnoma taklif qilgani aytilgan edi. Unga ko'ra Grizmanning transfer qiymati 80 million evrodan 150 million evroga oshishi kutilayotgan edi.
Boz ustiga «PSJ» rahbariyati "Borussiya" yarim himoyachisi Marko Roys, "Barselona" hujumchisi Neymar va "Bavariya" a'zosi Robert Levandovskiga ham qiziqish bildirgani xabar qilingan edi. Ammo bu transferlarning amalga oshish imkoniyati past baholangan.
— deya xabar beradi uff.uz nashri.