“Navbahor” va “Sho'rtan” jamoalari o'rtasidagi uchrashuvdan keyin o'tkazilgan matbuot anjumanining ikkinchi qismida OAV vakillarining savollariga “Navbahor” jamoasi bosh murabbiyi Rashidjon G'ofurov javob qaytardi:
- O'zinglar guvohi bo'lganinglardek, bugungi uchrashuv chiroyli tarzda o'tmagan bo'lsada qandaydir qiziq, ya'ni xavfli vaziyatlarga boy ruhda o'tdi. Ancha paytdan beri vaziyatlar yuzaga keltirayotgan bo'lsakda, imkoniyatlardan foydalana olmayotganligimiz, gollarga bo'lgan sog'inch hissi yuzaga kelgandi. “Sho'rtan” jamoami namoyish etgan o'yin borasia gapiradigan bo'lsak, g'uzorliklar maydonga yaralangan sherdek tushishdi. Sababi ularni ham yo'qotadigan narsasi qolmagandi. Xullas, mehmonlar boriga barakka qabilida to'p surishdi. Umuman olganda “Sho'rtan” jamoasi yomon o'yin ko'rsatmadi. Oldingi uchrashuvlarda mazmunliroq o'yin ko'rsatgan bo'lsakda, natijalar ijobiy tarzda ko'rinish olmayotgandi. Bugun esa buni aksi bo'ldi. Ya'ni chiroyli o'yin ko'rsata olmadigu, lekin natija ijobiy ko'rinish oldi. Aynan shu jihat biz bilan birgalikda muxlislarimizni ham toliqtirib qo'ydi deb o'ylayman. Xayrullo Karimovni majburan almashtirdik. Chunki ikkinchi bo'limda Jo'raboevni o'rniga Igor Golbanni maydonga tushirishni rejalashtirgandik. Lekin, tanaffus paytida Xayrullo oyog'ini tortib olganligini bildirib, harakat qila olmasligini ma'lum qildi. Almashtirishlarimizni ertaroq va majburiy tarzda amalga oshirganimiz sababli, futbolchilarimiz uchrashuv oxirlarida biroz toliqib qolishgan bo'lsada, hakamning final xushtagi chalingunga qadar to'p surishga majbur bo'lishdi.
Aynan bu holat orqali o'yinchilarimizning qay birlarini bahs oxiriga qadar to'liq kuch bilan harakat qila olishlari borasidagi savolga ham javob topdik. Keyingi turlarda shu jihatga ham e'tibor qaratamiz. Pushurni ko'pchilik gol ura olmasligi uchun tanqid qilmoqda. Shunga qaramay, ukrainalik futbolchining xizmatlaridan asosiy tarkibda foydalanyapmiz. Bo'ydor bo'lganligi sababli raqibning ikki-uch nafar himoyachisi unga e'tibor qaratmoqda. Bu esa qaysidir ma'noda ustunlikni ham tuhfa etadi. Aksincha bo'yi unchalik baland bo'lmagan hujumchini maydonga tushirsak, uni qo'riqlash uchun bir nafar himoyachining o'zi etarli bo'ladi. Pishur ikkinchi qavatda bo'lgan kurashlarda yo'q deganda bitta vaziyatda raqibidan ustunlik qiladi. Aslida uchta holatda Oleksandr to'pga ega chiqmoqda. Xullas bu ham o'ziga xos taktika. Golban jarohat tufayli 18 kun davomida dam olishga majbur bo'ldi. Uni optimal sport formasiga kirib olishi uchun vaqt kerak bo'ladi. Shu sababli, Igorni ikkinchi bo'limda maydonga tushirmoqdamiz. Bir so'z bilan aytganda, maydonga ayni paytda tayyor bo'lgan futbolchilarni tushirmoqdamiz. Kimni qanday imkoniyatga ega ekanligini har bir muxlisga birma-bir aytib chiqa olmaymiz. Choy borasida gap ketganida, koreyalik futbolchini bugungi kunda 90 daqiqa harakat qilish uchun kuchi etmayapti. Uni o'zi ham to'p sura olmasligini aytganligi uchun almashtirdik.
— deya xabar beradi uff.uz nashri.