O'zbekiston terma jamoasi yarim himoyachisi Odil Ahmedov "Krasnodar"dan ketish niyati yo'qligini bildirdi.
- Siz "Krasnodar" klubi va O'zbekiston terma jamoasi etakchilaridansiz. Tabiiyki boshqa klublardan qiziqish bo'lsa kerak?
- Mening "Krasnodar" bilan amaldagi shartnomam bor ekan, boshqa klublardan tushadigan takliflarni hatto ko'rib ham chiqmayman.
- Bunday takliflar bo'ldimi?
- Ha. Ammo men ular bilan qiziqqanim ham yo'q.
- Dekabr oyida "Krasnodar" bilan yangi shartnoma imzoladingiz. Bu erda uzoq vaqt qolishni istaysizmi?
- Albatta. Har doim asosiy tarkibda o'ynash juda yaxshi. Agar o'ynashda va jamoamga yordam berishda davom etsam, uzoq vaqt shu erda qolaman. Boz ustiga "Krasnodar"da hamma narsaga professional qarashadi. Mutlaqo hamma: futbolchilar, murabbiylar va xodimlar o'z ishlarini yaxshi bajaradilar. Bu esa menga yoqadi.
- Shuningdek shaharga ham ko'nikib qolgan bo'lsangiz kerak?
- Ha, oilam ham bu erda o'zini yaxshi his qilmoqda. Bunga qadar Moskvada yashagan edik, u erda hamma yo'llar "tiqin" bo'lib ketgan va biror joyga vaqtida borish juda muammo. Boz ustiga Krasnodardagi iqlim ham O'zbekistonnikiga juda o'xshab ketadi.
— deya xabar beradi uff.uz nashri.